बुटवल,कार्तिक ८ ।

नेपालीहरुको महान चाड शुभ दीपावलीका कारण बजारमा तिहारको सामान किन्नेको भीड बढेको छ । तिहार लागेसँगै बुटवलका मुख्य व्यापारिक क्षेत्रहरुमा सामान खरिद गर्ने उपभोक्ताहरूको भीड देखिएको हो ।

बुटवलको अमरपथ, ट्राफिकचोक, बसपार्क, हाटबजार लगायतका क्षेत्रमा सर्वसाधारणको चाप उल्लेख्य छ । बजारमा चहलपहल बढेपछि ब्यापारि खुसी भएका छन् ।

शहरका गल्लीमा समेत खाने मसलाका आकर्षक प्याकेटहरू सजाइएको देखिन्छ । सप्तरंगी टीका, मखमली माला र सयपत्रीमाला तथा फूलले बजार ढाकिएको छ ।

तिहारमा प्रयोग हुने सामानहरु मध्ये झिलिमिली बत्ती, तामा र पित्तलका भाँडा, दियो, प्लास्टिकका मालाहरु, सप्तरंगी टीका,फलफूल लगायतका सामग्रीहरु यतिबेला बजारमा जहाँतहीँ बेच्न राखिएका छन् ।

लक्ष्मी पूजाका लागि चाहिने माटाको पाला, बत्ती, सप्तरंगी टीका, कपडा, ढाकाटोपी र अन्य सामग्रीहरु किनमेल गर्नेको चहलपहल रुपन्देहीको बुटवल बजारमा जताततै देख्न सकिन्छ ।

आज लक्ष्मी पूजा भएकाले नरिवल,सेतो फूल र कमलको फूलको माग अत्याधिक रहेको ब्यापारिको भनाइ छ । बजार घुम्न जानेलाई समेत तिहारको रमझमले आकर्षित बनाएको छ  ।

नागरिक अनलाइन

लेखकबाट थप

• मंगलवार, कार्तिक ८ २०७९११:१९:५४

• Tags:

  # फोटोफिचर # तिहार # उपभोक्ता

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा