बुटवल,कार्तिक ४ ।

सर्वोच्च अदालतले रुपन्देही क्षेत्र नम्बर २ का उम्मेदवार राजु गुरुङको उम्मेदवारी खारेज गरेको छ । गुरुङले खारेजीको निर्णयविरुद्ध अन्तरकालीन अन्तरिम आदेशलाई निरन्तरता दिन अस्वीकार गरेको छ ।

न्यायाधीश ईश्वर खतिवडा र कुमार रेग्मीको संयुक्त इजलासले यसअघिको अन्तरकालीन अन्तरिम आदेशलाई निरन्तरता दिइरहनु नपर्ने आदेश गरेको हो ।

कानूनद्वारा तोकिएको कालोसूचीमा नाम समावेश रहेकोसम्बन्धी अयोग्यता निवेदक राजु गुरुङमा कायम रहेको देखिँदा निजले प्रतिनिधिसभा सदस्य पदको निर्वाचनमा उम्मेदवार हुन पाउने अवस्था देखिएन, सर्वोच्चको आदेशमा भनिएको हो ।

उम्मेदवारी रद्द गर्ने निर्वाचन आयोगको निर्णयविरुद्ध गुरुङ सर्वोच्च गएका थिए । यसअघि न्यायाधीश विश्वम्भरप्रसाद श्रेष्ठको एकल इजलासले उम्मेदवारी खारेजी गर्ने निर्णय कार्यान्वयन नगर्न अन्तरकालीन अन्तरिम आदेश जारी गरेको थियो । 

बैंकिङ कसूरमा कालोसूचीमा नाम रहेको पाइएपछि निर्वाचन अधिकृतको कार्यालयले असोज २५ गते गुरुङको उम्मेदवारी खारेजी गरिदिएको थियो ।

नागरिक अनलाइन

लेखकबाट थप

• शुक्रवार, कार्तिक ४ २०७९०५:५२:०२

• Tags:

  # राजु गुरुङको उम्मेदवारी खारेज # राजु गुरुङ

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन