बुटवल,कार्तिक ४ । 

प्रधानमन्त्री तथा कांग्रेस सभापति शेरबहादुर देउवाले सत्ता गठबन्धन बचाउनु नै अहिलेको आवश्यकता रहेको बताउनुभएको छ ।भोलिका दिनमा गठबन्धनकै सरकार बन्ने र अबको दश बीस बर्षनै गठबन्धनबाट अघि बढ्ने समेत उहांको भनाइ छ ।

शुक्रबार रुपन्देहीको बुटवलमा सत्ता गठबन्धनद्वारा आयोजित संयुक्त प्रशिक्षण कार्यक्रमलाई सम्बोधन गर्दै उहाले भन्नुभयो-‘पार्टीले यो गठबन्धन बचाउनु अति आवस्यक छ ।

यसमा कुनै शंका उपशंका गर्ने ठाउँ दिनुहुँदैन ,अझै केही वर्षसम्म नेपालमा समावेशिता, संविधान र गणतन्त्र बचाउन गठबन्धन आवश्यक छ’,‘ गठबन्धनको खिलाफमा एउटा तागत लागिरहेको छ, भन्न थालिसके  राजावादी तागत नै राष्ट्रवादी हो रे ।’
उनले हामी को अराष्ट्रवादी छौं यहाँ ? भन्दै प्रश्न समेत गर्नुभयो  ।

‘लडेर ल्याउने हामी, अनि हामी नै अराष्ट्रिय हुनसक्छ ? त्यसकारण राजावादी राष्ट्रवादी होइनन् । राष्ट्रवादी पनि हामी हौं, लोकतन्त्रवादी पनि हामी हौं, समाजवादी पनि हामी हौं’, प्रधानमन्त्री देउवाको भनाइ छ ।

उहाले अगाडि भन्नुभयो , ‘लालसलाम पनि हामी हौं, जय नेपाल पनि हामी हौं ।’ अभिवादन पनि हामी हौं । गठबन्धनलाई कुनैपनि बहानामा शंका उपशंका गराउनहुने उहांको भनाइ छ । देउवाले कांग्रेसले सबैभन्दा बढी उदारता देखाएर गठबन्धनलाइ सफल बनाउनुपर्ने बताउनुभयो ।  सभापति देउवाले संविधानको रक्षा प्रमुख काम भएको धारणा राख्नुभयो ।

‘साथीहरुले मलाइ सम्मान गरेर प्रधानमन्त्री बनाउनुभएको हो,कांग्रेसको अझै धेरै जिम्मेबारी छ ,गठबन्धन बचाँउन । ’ उहाको भनाइ छ ।

यी समाचार पनि हेराैँ:-

• तीनै तहमा गठबन्धनका सरकार बनाएर देशलाई स्थायित्व दिनुपर्छ : बालकृष्ण खाँण
• गठबन्धनको उम्मेदवार विरूद्व लाग्ने छुट कसैलाई छैन : रामचन्द्र पौडेल
• मैले पहिले नै भनेको थिएँ,ओली सुध्रिने वाला छैनन् ’ : माधवकुमार नेपाल
• बुटवलमा सत्ता गठबन्धनको प्रदेशस्तरीय प्रशिक्षण,प्रधानमन्त्री देउवासहित ४ शीर्ष नेता आउने
• प्रधानमन्त्री देउवाद्वारा बुटवलमा सत्ता गठबन्धनको लुम्बिनी प्रदेशस्तरीय प्रशिक्षण उद्घाटन

नागरिक अनलाइन

लेखकबाट थप

• शुक्रवार, कार्तिक ४ २०७९०५:२२:३५

• Tags:

  # प्रधानमन्त्री शेरबहादुर देउवा # प्रधानमन्त्री देउवा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा