शुक्रवार, कार्तिक ४ २०७९

बुटवलमा सत्ता गठबन्धनको प्रदेशस्तरीय प्रशिक्षण,प्रधानमन्त्री देउवासहित ४ शीर्ष नेता आउने

नागरिक अनलाइन

1.5K

बुटवलमा सत्ता गठबन्धनको प्रदेशस्तरीय प्रशिक्षण,प्रधानमन्त्री देउवासहित ४ शीर्ष नेता आउने

बुटवल,कार्तिक ४ ।

आगामी मंसिर ४ गतेको निर्वाचनलाई लक्षित गर्दै सत्ता गठबन्धनले आज बुटवलमा लुम्बिनी प्रदेशस्तरीय प्रशिक्षण गर्दैछ । प्रशिक्षणलाई सत्ता गठबन्धनमा आवद्ध दलका शीर्ष नेताहरुले सम्बोधन गर्नेछन् ।

दिउँसो २ बजेदेखि बुटवलको योगीकुटीमा हुने प्रशिक्षणलाई प्रधानमन्त्री एवं नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, राष्ट्रिय जनमोर्चाका अध्यक्ष चित्रबहादुर केसी लगायतका नेताले सम्बोधन गर्ने कांग्रेस प्रदेश सभापति अमरसिंह पुनले जानकारी दिए ।

गठबन्धनको केन्द्रीय संयन्त्रले तोकेबमोजिम हुन लागेको निर्वाचन केन्द्रित प्रशिक्षणमा गठबन्धनमा आवद्ध दलका प्रदेशमा रहेका केन्द्रीय, प्रदेश र जिल्ला कमिटिका पदाधिकारीको सहभागिता रहने पुनले बताए ।

यसअघि सत्ता गठबन्धनका शीर्ष नेताहरुले काठमाडौं र ललितपुरमा पनि यस्तै प्रशिक्षण कार्यक्रम आयोजना गरेका थिए ।

यी समाचार पनि हेराैँ:-

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)