बुटवल,असाेज ३१ ।

पोखरा रंगशालामा जारी नवौं राष्ट्रिय खेलकुद अन्तर्गत डिस्कस थ्रोमा लुम्बिनी प्रदेशकी संगिता अधिकारीले स्वर्ण पदक जितेकी छन् । 

पुरुषतर्फ त्रिभुवन आर्मी क्लवका चित्रबहादुर वली रले ३८.४८ मिटर थ्रो गरेर स्वर्ण जितेका हुन् । ३२.७५ मिटर थ्रो गरेका नेपाल पुलिस क्लबका पुस्कल खड्काले रजत र ३१.१० मिटर थ्रो गरेका सुदूरपश्चिमका हेमन्त पालले कांस्य पदक जिते ।

यस्तै महिलातर्फ लुम्बिनी प्रदेशकी संगिता अधिकारीले ३५.१० मिटर थ्रो गरेर स्वर्ण जितेकी छन् । संगीताले जितेको स्वर्ण लुम्बिनी प्रदेशको पहिलो स्वर्ण हो ।

एपीएफकी जितकुमारी महतोले ३३.६० मिटर थ्रो गर्दै  रजत र त्रिभुवन आर्मीकी मिलन बुढा मगरले ३२.३५ मिटर थ्रो गर्दै कांस्य पदक जितेको खेलकुद परिषद लुम्बिनी प्रदेश सदस्य सचिव जयप्रकाश भट्टराइले नागरिक अनलाइनलाई बताए ।

शारीरिक सुगठन प्रतियोगितामा लुम्बिनी प्रदेशले ३ पदक :

यसैगरि नवौँ राष्ट्रिय खेलकुद अन्तर्गत १७ औं राष्ट्रिय शारीरिक सुगठन प्रतियोगितामा लुम्बिनी प्रदेशले ३ पदक जितेको छ। सुनिल आलेले ६० केजी तौल समूह कास्य पदक, नबराज डुम्रेले ६५ केजी तौल समुहमा रजत, बिजेन्द्रमान श्रेष्ठले ७० केजी तौल समूहमा कास्य पदक जितेका हुन।

आईतबार पाँच बिधासम्पन्न भएको छ भने बाकि सोमबार ५ बटा विधा का खेलहरु हुनेछन।

नागरिक अनलाइन

लेखकबाट थप

• सोमवार, आश्विन ३१ २०७९०३:१०:०१

• Tags:

  # स्वर्ण पदक # नवौं राष्ट्रिय खेलकुद # संगिता अधिकारी

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा