बुटवल,असाेज ३० । 

सर्वोच्च अदालतले रुपन्देही क्षेत्र नम्बर २ का सत्ता गठबन्धनका उम्मेदवार राजु गुरुङको उम्मेदवारी खारेज नगर्न अल्पकालीन अन्तरिम आदेश जारी गरेको छ।

आइतबार न्यायाधीश विश्वम्भरप्रसाद श्रेष्ठको एकल  इजलासले सो आदेश दिएको हो ।  अदालतले अन्तरिम आदेशका लागि दुबै पक्षलाई कात्तिक २ गते  छलफलका लागि समेत बोलाएको छ ।

एकीकृत समाजवादी पार्टीका नेतासमेत गुरुङ कर्जा सूचना केन्द्रको कालोसूचीमा परेको भन्दै निर्वाचन अधिकृतको कार्यलयले उम्मेदवारी खारेज गरिदिएको थियो । तर, गुरुङले भने आफू कर्जा सूचना केन्द्रको कालोसूचीमा परेको नभई आफू सेयर सदस्य रहेको संस्था मात्रै कालोसूचीमा परेकाले आफ्नो उम्मेदवारी कायम हुनुपर्ने माग गर्दै बिहीबार सर्वोच्च अदालतमा रिट दर्ता गराएका थिए । 

निर्वाचन निर्देशिकामा कालोसूचीमा परेको व्यक्ति उम्मेदवार बन्न नसक्ने कुरा उल्लेख छ । तर, आफू कालोसूचीमा नपरेको र निर्देशिका समेत ऐनसँग बाझिएको भन्दै गुरुङले आफ्नो उम्मेदवारी कायम रहनुपर्ने तर्क गर्दै रिट निवेदन दर्ता गराएका थिए ।

निर्वाचन अधिकृतको कार्यालयले गरेको उम्मेदवारी खारेजको निर्णय उत्प्रेषणको आदेशबाट बदर गरी उम्मेदवारी कायम राख्न पर्ने गुरुङको माग छ ।

अन्तरिम आदेशबारे छलफल गर्न कात्तिक २ गतेको पेसी तोकेको छ ।

आदेश हेर्नुस् :-

• राजु गुरुङले भने-‘राजधानीसँगअर्थमन्त्री साट्ने विष्णु पौडेललाइ बुटवलमा चुनाव लड्ने नैतिकता छैन’
• विष्णु पौडेललाई हराउने राजु गुरुङको दाबी,आफूसँग चुनावमा भिड्ने हिम्मत गर्न आग्रह !
• नेकपा (प्रचण्ड–नेपाल) समूहको रुपन्देही अध्यक्षमा राजु गुरुङ
• नेपाल समूहद्वारा रुपन्देहीमा समानान्तर कमिटी : अध्यक्षमा राजु गुरुङ,सचिवमा उपमेयर चौधरी
• रुपन्देही–२ : सत्ता गठबन्धनबाट संघमा राजु,प्रदेशमा कुमार र बामदेवको मनाेनयन दर्ता
• उजुरीबिना नै कसरी भयो राजु गुरुङको उम्मेद्वारी खारेज ?
• रुपन्देही २ मा उम्मेद्वारी खारेजीपछि न्याय खाेज्दै सर्वोच्च पुगे राजु गुरुङ
• रुपन्देही-२ का उम्मेदवार राजु गुरुङका पक्षमा सर्वोच्चको अल्पकालीन अन्तरिम आदेश (पूर्णपाठ)

नागरिक अनलाइन

लेखकबाट थप

• आइतवार, आश्विन ३० २०७९०६:०१:३९

• Tags:

  # राजु गुरुङ # सर्वोच्च अदालत

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा

• बुटवल अटोको स्थापना दिवस : ब्याडमिन्टन प्रतियोगितामा चौधरी–सारुको जोडी च्याम्पियन