बुटवल,असोज २९ ।

बुटवलको तिनाउ खोलाले बगाएर बेपत्ता भएका एक पुरुषको शव फेला परेको छ । बुटवल उपमहानगरपालिकाको ११ मजुवामा खोला तर्ने क्रममा स्थानीय ३५ वर्षीय डिल्लीराज अर्याल बेपत्ता हुनुभएको हो ।

पुलभन्दा तलपट्टी रहेको ड्याम नजिकैबाट पारि लुम्बिनी प्रादेशिक अस्पतालतर्फ आउँदै गर्दा खोलाको भेलले बगाएका अर्यालको शुद्धोधन गाँउपालिकाको बेतहनी भन्ने स्थानमा शव फेला परेको स्थानीय जनप्रतिनिधि युवराज रानाले बताउनुभयो ।

शव फेला परेपछि परिवारजनको रोहबरमा शव पोष्टमार्टम प्रकृयामा रहेको इलाका प्रहरी कार्यालय बुटवलका प्रहरी नायव उपरिक्षक ठगबहादुर केसीले बताउनुभयो । बुटवल ११ सिरानगाउ मजुवा ३ नं. टोलमा घर रहेका अर्याल १४ बर्षकी छोरी अनिषा,१२ बर्षका छोरा अनुप र पत्नी पुष्पा अर्यालसंगै बस्दथे ।

अर्याल दम्पत्तीको लुम्बिनी प्रादेशिक अस्पताल अगाडि फुटपाथमा  व्यवसाय छ ।

नागरिक अनलाइन

लेखकबाट थप

• शनिवार, आश्विन २९ २०७९०५:५५:१८

• Tags:

  # शव फेला # तिनाउ खोला

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग