बुटवल,असोज २४ ।

नेपाली कांग्रेसका युवा नेता प्रदीप पौडेलले आजदेखि काठमाडौं क्षेत्र नम्बर ५ मा घरदैलो सुरु गरेका छन्।उनले हिजाेमात्रै प्रतिनिधिसभा सदस्यका लागि उम्मेदवारी दर्ता गरेका थिए । उम्मेदवारी दर्ताको एक दिन पछि उनले काठमाडौं महानगरपालिका–५ हाँडीगाउँबाट घरदैलो सुरु गरेका हुन्। 

भोट माग्ने क्रममा निस्किएका पौडैल सोमबार हाँडीगाउँको जात्रास्थलमा पुगे। त्यहाँ उनले युवाहरुदेखि वृद्धवृद्धासम्म भेटेर भोट माग्दै आशिर्वाद पनि लिए। त्यहीक्रममा हाँडीगाउँ जात्रामा सहभागी हुन पुगेका काठमाडौं महानगरपालिकाका मेयर बालेन्द्र शाह र उपमेयर सुनिता डंगोलसँग प्रदीपको जम्का भेट भएको छ।

उक्त जम्काभेटका क्रममा पौडेले मेयर-उपमेयरसँग भलाकुसारी पनि गरे। भेटमा बालेन र प्रदीपले अंकमाल गर्दै हात मिलाएर सद्भाव आदानप्रदान गरे। 

काठमाडौं महानगरपालिकाका २, ३, ४ र ५, बूढानीलकण्ठ नगरपालिकाका ३, ४, ५, ६, ७ र टोखा नगरपालिकाका २, ३, ४, ५, ६, ७ नम्बर वडाहरुको भूगोल समेटेर काठमाडौं–५ निर्धारण गरिएको छ। 

काठमाडौं–५ मा सत्ता गठबन्धनले प्रतिनिधिसभा सदस्यका लागि प्रत्यक्षतर्फ कांग्रेस केन्द्रीय सदस्य पौडेललाई उम्मेदवार बनाएको छ। 

यो क्षेत्रबाट नेकपा एमालेका वरिष्ठ उपाध्यक्ष ईश्वर पोखरेल त्यस्तै रञ्जु दर्शना पनि चुनावी मैदानमा छन्। 

नागरिक अनलाइन

लेखकबाट थप

• सोमवार, आश्विन २४ २०७९०८:५९:०२

• Tags:

  # प्रदीप पौडेल # काठमाडौं ५

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा