बुटवल,असोज २४ ।

रुपन्देही क्षेत्र नम्बर ५ वासुदेव घिमिरेले आधिकारिकता पाएका छन् ।  प्रतिनिधि सभा सदस्य उम्मेदवारमा एमालेका घिमिरेलाई निर्वाचन आयोगले आधिकारिक उम्मेदवार ठहर्याएको हो ।

आइतबार रूपन्देही–५ मा एमालेबाट बासुदेव घिमिरे र खिमलाल भट्टराईले उम्मेदवारी दर्ता गराएका थिए । घिमिरेले दिउँसो साढे ३ बजे र भट्टराईले पौने ५ बजे उम्मेदवारी दर्ता गराएका हुन् ।

एउटै पार्टीको उम्मेदवारी परे पहिला जसले दर्ता गरायो उसैले आधिकारिकता पाउने निर्वाचन निर्देशिका २०७९ मा उल्लेख रहेको निर्वाचन अधिकृत चिन्तामणी शर्माले जानकारी दिए ।

निर्वाचन अधिकृत शर्माले निर्वाचन ऐन तथा निर्देशिका अनुसार पहिलो पटक दर्ता भएका बासुदेव घिमिरेलाई आधिकारिता प्रदान गरिएको बताए ।

एमाले अध्यक्ष केपी शर्मा ओलीले पहिला घिमिरेलाई टिकट दिए पनि पछि राष्ट्रिय सभा सदस्य रहेका भट्टराईलाई टिकट दिएर मनोनयन गर्न पठाएका थिए  ।मनोनयनका बेला एउटै पार्टीका दुइनेताका नेता-कार्यकर्ताबिच आइतबार लफडा समेत भएको थियो । 

यहाँ कांग्रेसका भरतकुमार शाह प्रतिनिधि सभा सदस्य उम्मेदवार छन् ।

नागरिक अनलाइन

लेखकबाट थप

• सोमवार, आश्विन २४ २०७९०७:०९:१५

• Tags:

  # नेकपा एमाले # वासुदेव घिमिरे # रुपन्देही ५

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा