गोकर्ण प्रकास ज्ञवाली/ असाेज २३ रुरुक्षेत्र, गुल्मी ।

गुल्मीको रुरुक्षेत्र ४ लामाखर्कमा प्रथम लामाखर्क भलिवल प्रतियोगिता शुरुभएको छ । प्रतियोगीताको उद्घाटन यस क्षेत्रका संघिय निवर्तमान सांसद एवं पूर्व संघिय पर्यटन तथा नागरिक उड्यन मन्त्री प्रदिप कुमार ज्ञवालीले गरेका छन् ।

उनले कार्यक्रममा बोल्दै आफ्नो गाऊँको माटोलाई देश विदेशमा रहेका युवाहरुले माया गर्नूपर्ने बताए । उनले स्थानियस्तरमा आयोजना हुने यस्ता प्रतियोगीताहरुले स्थानिय खेलप्रेमी युवाहरुलाई खेलप्रति उत्साह जगाउने बताए । 
कार्यक्रममा विशिष्ट अतिथिको रुपमा रुरुक्षेत्र गापा वडाध्यक्ष मोती श्रेष्ठले बोल्दै यस्ता कार्यक्रमले युवाहरुलाई आफ्नो गाऊँप्रतिको दायीत्व अझ बढाउने कुरा औंल्याएँ ।

कार्यक्रममा आतिथिको रुपमा तोयनारायण ज्ञवाली, वीरबहादुर क्षेत्री, जंग नेपाली, फर्सुराम पाण्डे, टिका बहादुर केसी, मानबहादुर क्षेत्री, नारायण ज्ञवाली, अर्जुन ज्ञवाली, खेमराज ज्ञवाली, छत्र अधिकारीको उपस्थिति रहेको थियो ।
कार्यक्रमको संचालन दिपक ज्ञवालीले गरेका थिए भने कृष्ण गौतमले स्वागत मन्तव्य राखेका थिए ।

प्रतियोगीता ३५ टिम दर्ता रहेको र खेल जुभुङ भलिवल टिम र लामाखर्क भलिवल टिमको खेलसंगै शुरु भएको खेल संयोजक कमल पल्लीले बताए । उनले शनिवार अनौपचारिक रुपमा स्थानिय टिमबीच मैत्रीपूर्ण भलिवल खेल खेलाईएको पनि बताए ।
प्रतियोगीतामा रेफ्रीको भूमिकामा प्रदेशस्तरिय रेफ्री भुवन शारु र प्रसान्त माझी रहेका छन् ।

खेल लामाखर्क समाज रुपन्देहीको आयोजना, एक्सपर्ट एडुकेसन एण्ड भिसा सर्भिसेसको मुख्य प्रायोजन, द होटल भ्यूको सहप्रायोजन तथा रुरुक्षेत्र गापा ४ को सहकार्यमा संचालन भएको छ । बर्षादको कारण खेल निर्धारित समयभन्दा दुईदिन ढिलो शुरु भएको हो । 

नागरिक अनलाइन

लेखकबाट थप

• आइतवार, आश्विन २३ २०७९०९:३०:५४

• Tags:

  # भलिवल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा