बुटवल,असोज १४ ।

रुपन्देहीको तिलोत्तमा नगरपालिकाले नगरबासीका गुनासो र समस्या सुन्न  र त्यसलाइ तत्कालै समाधान गर्न ‘हेल्लो तिलोत्तमा’ सुरु गरेको छ । हेल्लो तिलोत्तमाको नगरप्रमुख रामकृष्ण खाँण र उपप्रमुख जागेश्वरी चौधरीले एक समारोहका बिच शुक्रबार उद्घाटन गर्नुभयो ।

नगर क्षेत्र भित्रका सम्पूर्ण नगरवासीहरुले आफ्ना मनमा लागेका गुनासोहरु टोल फ्रि नं. १६६०७१५६६६ र ०७१५५६०५९९ मा फोन गरेर अथवा नगरपालिकाको वेवसाइटमा गइ कमेन्ट बक्समा गुनासा राख्न सकिने ब्यवस्था गरिएको छ ।

नगरवासीका गुनासोहरु नगरपालिका सम्पत्ति भएकाले गुनासो सुन्न र ती गुनासोहरुलाई समाधान गर्न हेल्लो तिलोत्तमाको सुरुवात गरेको नगरप्रमुख रामकृष्ण खाँणले जानकारी दिनुभयो । नगरप्रमुख खाँणले भन्नुभयो –‘जनताको गुनासो सुन्ने र आत्मसाथ गर्ने बानी गर्नुपर्दछ यी सबै हाम्रो लागि सम्पत्ति नै हो,  जनताका गुनासोहरुले विकास निर्माण र समाज रुपान्तरणका लागि अघि बढ्न प्रेरणा दिन्छ ।’गुनासो सुन्ने मात्रै होइन,समाधान गर्नेगरि काम हुने उहांको बिश्वास रहेको छ ।

उपप्रमुख जागेश्वरीदेवी चौधरीले नगरवासीले आफ्ना केही गुनासाहरु भए कार्यालय नआई आफ्नो घरबाट नै आफ्ना गुनासाहरु राख्न सक्ने बताउनुभयो ।

हेल्लो तिलोत्तमा २४ घण्टा नै सञ्चालनमा रहने प्रमुख प्रशासकीय अधिकृत नारायण अर्यालले बताउनुभयो । 
हेल्लो तिलोत्तमामा आजमात्रै पहिलो गुनासो  दुधमा बढी पानी मिसाएर बिक्री भैरहेको गुनासो आएपछि नगरले त्यसलाई समाधान गर्न आग्रह गरिसकेको खाँणले जानकारी दिनुभयो ।

नागरिक अनलाइन

लेखकबाट थप

• शुक्रवार, आश्विन १४ २०७९०७:४१:५०

• Tags:

  # ‘हेल्लो तिलोत्तमा’ # तिलोत्तमा नगरपालिका

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन