बुटवल,असोज १०।

बुटवल ३ गोलपार्कस्थित तिनाउ नदी (तिलाेत्तमा ) किनारमा पहिलोपटक सन्ध्याकालिन आरती भएको छ । दुर्गा मन्दिरको पश्चिममा रहेको संरचनामा सन्ध्याकालिन आरती गरिएको हो ।

कार्यक्रमका प्रमुख अतिथि एमाले उपाध्यक्ष नेता तथा पूर्व अर्थमन्त्री बिष्णु पौडेलले सो आरती पूजाको शुभारम्भ गर्नुभयो । सो अबसरमा बोल्दै नेता पौडेलले बुटवलमा यसप्रकारको आरती गर्नका लागि संरचना बनाउने प्रतिबद्धता जनाउनुभएको छ ।

४३औँ विश्व पर्यटन दिवसको पूर्व सन्ध्यामा यो कार्यक्रम गरिएको आयोजक संस्था नेपाल एशोसिएसन अफ टुर एण्ड ट्राभल एनेन्ट नाट्टा लुम्बिनी प्रदेश अध्यक्ष रचना पन्तले बताउनुभयो ।

शंखध्वनीका साथ आरती  र स्तोत्र पाठसहित सुगन्धित धुप बालेर ३ जना पण्डितले बिधिपूर्वक ४५ मिनेटसम्म आरती पूजा गर्नुभएको हो ।  नजिकैको जितगढी,फूलबारी, हिलपार्क आउने पर्यटकलाई लक्षित गरि आरती गरिएको हो । आरतीलाइ दैनिक गर्नेगरि निरन्तरता दिनका लागि आफूहरुले सक्दो गर्ने बुटवल ३ का वडाध्यक्ष बिष्णु ढकालले बताउनुभयो ।

कोरोनाले थला परेको पर्यटन उद्योगलाई कसरी चलायमान बनाउन र सिमावर्ती भारतीय पर्यटकहरुलाई यहाको धार्मिक, साँस्कृतिक ऐतिहासिक शहरको रुपमा स्थापित गर्न सन्ध्याकालिन आरतीले महत्वपूर्ण भूमिका खेल्ने कार्यक्रम संयोजक  गणेश भट्टराईले नागरिक अनलाइनलाइ बताउनुभयो।

बुटवलमा धार्मिक तथा सास्कृतिक पर्यटनमा नयाँ आयाम थपिने र छिमेकी देश भारतबाट पनि पर्यटक तान्न यसले विशेष भूमिका खेल्ने अनुमान गरिएको छ । 

आरतीका लागि अहिलेकै स्थान उपर्युक्त हुने युवा ज्याेतिष जनार्दन न्याैपानेको भनाइ छ ।

बुटवलको तिनाउ किनारमा भाेलि ६ बजे सन्ध्याकालिन आरती हुने 

नागरिक अनलाइन

लेखकबाट थप

• सोमवार, आश्विन १० २०७९१०:३९:२९

• Tags:

  # तिनाउ नदी # सन्ध्याकालिन आरती

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा