बुटवल,असाेज १० ।

गृहमन्त्री बालकृष्ण खाँणले नागरिकता विधेयक प्रमाणीकरण नहुँदा नागरिकता पाउने नेपालीको नैसर्गिक अधिकारमाथि कुठाराघात भएको बताउनुभएको छ । नेपाली कांग्रेस रुपन्देही निर्वाचन क्षेत्र नं ३ भैरहवामा सम्पर्क कार्यालयको सोमबार  उद्घाटन गर्दै उहाँले सो कुरा बताउनुभएको हो । 

संविधानको पालना गर्नु सबैको दायित्व र जिम्मेवारी भएको चर्चा गर्नुहुँदै गृहमन्त्री खाणले भन्नुभयो, “असंवैधानिक कदम कसैले चाल्नु हुँदैन, त्यसले विधि, लोकतान्त्रिक मूल्य, मान्यतालाई कमजोर बनाउँछ ।” 

कांग्रेस केन्द्रीय समिति सदस्य समेत रहनुभएका मन्त्री खाणले राष्ट्रपतिले उठाएका कतिपय विषय संविधान संशोधनबिना परिवर्तन गर्न सम्भव नभएको बताउनुभयो । हिमाल, पहाड र तराईमा गरी नेपालमा १ लाख ९० हजार बढीले जन्मसिद्धको आधारमा नागरिकता लिएकोमा उहाँहरूको सन्तानलाई अहिले नागरिकता पाउन समस्या भएको उहाँको भनाइ छ ।   

कोही पनि नागरिक नागरिकता विहीन हुन नहुने विश्वव्यापी मानवअधिकारको मान्यता रहेको चर्चा गर्नुहुँदै मन्त्री खाणले नेपाल मानवअधिकारको पालनामा समेत चुक्न नहुने बताउनुभयो । लोकतान्त्रिक प्रक्रिया, देशको रक्षामा सबै लाग्नुपर्ने उहाँले बताउनुभयो । 

नागरिक अनलाइन

लेखकबाट थप

• सोमवार, आश्विन १० २०७९०५:०६:०१

• Tags:

  # पम्फा भुसाल # गृहमन्त्री बालकृष्ण खाँण

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन