बुटवल,असाेज ४ ।

रुपन्देहीको तिलोत्तमा–५ मणिग्राममा रहेको शान्ति नमुना माध्यमिक विद्यालयको स्पोट्स क्लवले आयोजना गरेको जिल्ला स्तरीय फुटवल प्रतियोगितामा आज सोमबार ९ वटा खेल भएका छन् ।

रुपन्देही जिल्लाका विभिन्न विद्यालयमा कार्यरत शिक्षक कर्मचारी बीच आयोजित प्रतियोगितामा आज भएको पहिलो खेलमा जनभावना मा. वि. लाई हराउदै लुम्बिनी सिटी कलेज बिजयी भएको छ । जनभावनालाई  ८–१ को गोल अन्तरले हराउदै लुम्बिनी सिटी अघिल्लो चरणमा प्रवेश गरेको हो ।  त्यस्तै दोस्रो खेलमा स्कलर्स होम बोर्डिङले देवदह मा.वि. को समूहलाई ३–२ गोल अन्तरमा हराएको छ । त्यस्तै तेस्रो खेलमा मदरल्यान्ड बोर्डिङले होराइजन जि.वि.एस.लाई १–० गोल अन्तरमा हराउदै अघिल्लो चरणमा प्रवेश गरेको छ । 
यस्तै चौथो खेलमा सरस्वती मा.वि. अनुपस्थित भएपछि शिवपुर मा.वि. वाक ओभर मार्फत अघिल्लो चरणमा पुगेको छ भने पाचौं खेलमा जनता मा.वि.ले शान्ति नमुना समुह ‘ए’ लाई ट्राई ब्रेकरमा २–१ को गोल अन्तरले हराएको छ । उता छैठौ खेलमा सिद्धार्थ इङगलिस बोर्डिङलाई ट्राइ  ब्रेकरमा ४–३ को गोल अन्तरले हराउदै देवदह इङगलिस बोर्डिङ अघिल्लो चरण प्रवेश गर्न सफल भएको छ । 
त्यसैगरी सातौं खेलमा पामिर एकेडेमीले लिटल प्याराडाइजलाई ४–० को गोल अन्तरले हराएको छ भने आठौ खेलमा न्यू होराइजनले देवदह मदर टङ्सलाई ४–१ को गोल अन्तरले हराएको छ । आजको अन्तिम खेलमा अक्सफोर्डले सेन्ट जासेफलाई १–० ले हराउन सफल भएको खेल संयोजक दिनेश खड्काले जानकारी दिनुभयो ।

प्रतियोगिता अन्तरगत मंगलबारदेखि दोस्रो चरणका खेलहरु हुने छन् । दोस्रो चरणको पहिलो खेलमा पर्ल इन्टरनेशनल एकेडेमी बिरुद्ध ज्ञानगंगा पाठशाला उत्रिने छ भने दोस्रो खेलमा मदरल्यान्ड एकेडेमी बिरुद्ध शान्ति नमुनाको समुह आमने सामने हुने शान्ति स्पोर्टस क्लवका अध्यक्ष राजेन्द्र के.सी. ले बताउनुभयो । रुपन्देही जिल्लामा रहेका सामुदायिक तथा संस्थागत विद्यालयमा कार्यरत शिक्षक तथा कर्मचारीबीच जारी प्रतियोगितामा २७ समूहले सहभागीता जनाएका हुन् । 

प्रतियोगिताका विजेताहरुलाई खसी सहित ट्रफी, प्रमाणपत्र तथा मेडल प्रदान गरिने छ । 

नागरिक अनलाइन

लेखकबाट थप

• मंगलवार, आश्विन ४ २०७९०९:२८:१०

• Tags:

  # फुटवल प्रतियोगिता # शान्ति नमुना

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा