बुटवल,असोज ३  ।

आठौँ संविधान दिवसको अवसरमा मानव अधिकार तथा शान्ति समाज रुपन्देहीले दीप प्रज्ज्वलन गरेको छ ।

एक कार्यक्रमका बिच बुटवलको अस्पताललाइनमा दीप प्रज्ज्वलन गरिएको हो । समाजका शाखा सभापति कृष्ण भट्टराइको अध्यक्षतामा भएको कार्यक्रममा बोल्दै समाजका पूर्व जिल्ला सभापति कृष्ण पराजुलीले संविधानलाइ समय सापेक्ष बनाउनुपर्नेमा जोड दिनुभयो । 

उत्कृष्ट भनिएको संविधान कार्यान्वयनमा समस्या देखिएको उहांको भनाइ  छ । त्यस्तै समाजका अर्का पूर्व जिल्ला सभापति लालहरी पाण्डेले संविधानको मर्म अनुसार दलहरु नै नचलेको आरोप लगाउनुभयो । उहांले संवैधानिक अधिकार पाउन पनि नागरिकले संघर्ष गर्नुपरेको बताउनुभयो । 

समाजका रुपन्देही उपसभापति कपिल ज्ञवालीले जनताले चुनेका जनप्रतिनिधिले बनाएको संविधान जारी भएको दिनको उल्लासमा दीप बालेर खुुसीयाली साटिएको बताउनुभयो ।  उहांले संविधान कार्यान्वयनमा दलहरु गम्भिर बन्नुपर्ने धारणा राख्नुभयो ।

कार्यक्रमको संचालन शाखा सचिब कृष्ण पाण्डेले गर्नुभएको थियो  । कार्यक्रममा पदाधिकारी,कार्यसमिति सदस्य तथा शुभेच्छुक संघसंस्थाका प्रतिनिधिले सहभागिता जनाएका थिए ।

नागरिक अनलाइन

लेखकबाट थप

• सोमवार, आश्विन ३ २०७९०७:३६:१२

• Tags:

  # संविधान दिवस # दीप प्रज्ज्वलन # मानव अधिकार तथा शान्ति समाज रुपन्देही # ८ औं संविधान दिवस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा