बुटवल,असाेज ३ ।

काठमाण्डौमा जारी लन टेनिस प्रतियोगितामा बुटवल न्यु होराईजनका निश्चल ज्ञवालीले दुई वटा स्वर्ण हात पारेका छन ।

टिम टेनिस नेपाल, धापाखेल ललितपुरको आयोजनामा काठमाण्डौमा भएको टिम टेनिस नेपाल जुनियर खुल्ला प्रतियोगिता २०७९ को यु–९ र यु–१० उमेर समुहमा बुटवलका निश्चल ज्ञवालीले स्वर्ण हात पारेका हुन ।

आईतबार भएको पहिलो खेलमा यु–९ उमेर समुहमा ज्ञवालीले विश्वविशेष डल्लाकोटीलाई ५–३, २–४ र १३–११ को सेटमा पराजित गर्दै उपाधि चुमे । यसैगरि यु–१० उमेर समुहमा पनि ज्ञवालीले दर्लाकोटीलाई १–६, ६–३, १०–५ को सेटमा पराजित गर्दै उनले दोस्रो स्वर्ण चुमेका हुन ।

ज्ञवाली न्यु होराईजनमा कक्षा ५ मा अध्यरत छन । नेपाल लन टेनिस संघका अध्यक्ष ज्योती राणाले देशभरमा लन टेनिसको उमेर समुहका खेलाडी उत्पादन भैरहेको बताए ।

भदौ ३१ गतेदेखि असोज ३ गतेसम्म संचालन भएको प्रतियोगितामा ८, ९, १०, १२, १४, १६ उमेर समुह र खुल्ला ईभेन्ट गरि देशभरबाट एक सय बढी खेलाडीहरु सहभागी छन । बुटवल लन टेनिस कोर्टमा हाल विभिन्न उमेर समुहका दुई दर्जन बालबालिकाहरु लन टेनिस प्रशिक्षण लिईरहेका छन । 

नागरिक अनलाइन

लेखकबाट थप

• सोमवार, आश्विन ३ २०७९०८:००:२९

• Tags:

  # निश्चल ज्ञवाली # बुटवल लन टेनिस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा