दाङ,कार्त्तिक २२ ।

जाजरकोटका एक व्यक्ति बाँकेवाट दश किलो चारसय ग्राम लागु औषध अफिमसहित पक्राउ परेका छन् ।

जाजरकोटको जुनीचाँदे गाउँपालिका वडा नं. २ निवासी ३७ बर्षीय तिलकबहादुर शाही बाँके जिल्लाको खजुरा गाउँपालिका वडा नं. ८ रनियापुरबाट पक्राउ परेका हुन ।

जिल्ला प्रहरी प्रमुख एसपी ओमबहादुर रानाले आशंका लागेर खान तलासी गर्ने क्रममा शाहीले बोकेको झोलावाट उक्त परिमानमा अफिम बरामद भएको जानकारी दिए ।

शाहीको झोलावाट ११ वटा प्लाष्टिकमा पेटी बनाई राखेको अवस्थामा अफिम बरामद भएको एसपी रानाले बताए ।

लागु औषधको अवैध कारोवार भइरहेको भन्ने गोप्य सूचनाका आधारमा लागु औषध नियन्त्रण ब्यूरो कोटेश्वर, शाखा कार्यालय नेपालगञ्ज र जिल्ला प्रहरी कार्यालयबाट विशेष प्रहरी टोलीले बिहीवार दिउँसो ४ बजेतिर शाहीलाई नियन्त्रणमा लिएको रानाले जानकारी दिएका छन् ।

पक्राउ परेका शाहीमाथि थप अनुसन्धान भइरहेको प्रहरीले बताएको छ ।

त्यस्तै बिहीवार मात्रै जाजरकोट जिल्लाका दूई व्यक्ति रुकुम पश्चिम जिल्लामा  १२ केजी अफिमसहित पक्राउ परेका छन् ।

पक्राउ पर्नेमा जाजरकोट जिल्लाको नलगाड  नगरपालिका वडा नं. ८ निवासी ४६ बर्षीय मालबहादुर सिंह र सोही ठाउँ निवासी ६० बर्षीय कालिबहादुर सिंह रहेका छन् ।

उनीहरु रुकुम पश्चिमको आठबिसकोट नगरपालिका वडा नं. ९ राडी बजारस्थित धिरेन्द्र शाहको घरवाट पक्राउ परेका हुन । जिल्ला प्रहरी प्रबक्ता प्रहरी निरिक्षक हरि वलीका अनुसार उनीहरुलाई शाहको घरमा कोठा भाडामा बस्दै आएका थिए । 

नागरिक अनलाइन

लेखकबाट थप

• शनिवार, कार्तिक २२ २०७७०७:५७:३७

• Tags:

  # लागु औषध

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा