बुटवल,भदाै २४ ।

नेकपा एमालेका उपाध्यक्ष एवं पूर्वअर्थमन्त्री विष्णु पौडेलले रुपन्देही विकासको पाठशाला भएको बताएका छन् । देशका सबै निर्वाचन क्षेत्रको विकासको तथ्यांक हेरेर त्यसको पुष्टि भएको र यसमा सबैको साथ रहेको उनको भनाइ थियो ।

‘विकास सिक्न, बुझ्न र चिन्न रुपन्देही उपयुक्त पाठशाला भएको छ’, उनले भने, ‘यो कुनै व्यक्तिले भनेको विषय होइन । तथ्यांकले देखाएको विषय हो ।’

बुटवलमा शुक्रबार आयोजित कानून विद्यार्थी समाज कालिकाको कार्यक्रमलाई सम्बोधन गर्दै पौडेलले अरुले कल्पना नगरेको विकास रुपन्देहीबाट सुरु भएको दाबी गरे । रुपन्देहीलाई भौतिक पूर्वाधारको विकाससँगै मुलुकको शैक्षिक केन्द्रको रुपमा विकास गरिने उनले उल्लेख गरे ।

‘अरुले कल्पना नगरेका विकास निर्माणका काम हामीले अघि बढाएका छौं । भौतिक पूर्वाधारको विकासले मात्र होइन मानवीय विकासका हिसाबले पनि रुपन्देहीलाई पहिलो बनाउँछौं’, नेता पौडेलले भने ।

उनले शैक्षिक विकासमा कालिका मानवज्ञानले मुलुकमै उत्कृष्ट पहिचान बनाउन सफल भएको बताए ।

नागरिक अनलाइन

लेखकबाट थप

• शुक्रवार, भाद्र २४ २०७९०५:२९:१९

• Tags:

  # विष्णु पौडेल # कानून विद्यार्थी समाज कालिका

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन