बुटवल,कार्तिक २०-

पाल्पामा कोरोना भाइरस संक्रमणका कारण मृत्यु हुनेको संख्या १२ पुगेको छ । आज पाल्पाको मिसन अस्पताल, तानसेनमा थप एक जना कोरोना भाइरस संक्रमितको मृत्यु भएको छ । 

मृत्यु हुने तिनाउ गाउँपालिकाका ४७ वर्षीय पुरुष रहेको स्वास्थ्य कार्यालयका सूचना अधिकारी ओमप्रकाश पन्थीले जानकारी दिए । कार्तिक १८ गते अस्पतालमा भर्ना भए पनि बुधबार मात्र स्वाब लिएका थिए । 

बिहिबार कोरोना भाइरस पुष्टि भएपनि उनको बुधबार नै मृत्यु भएको मिसन अस्पतालले जनाएको छ । उनमा सुगरको समस्या देखिएर अस्पताल भर्ना भएको र अस्पतालले निमोनियाको समस्या भएको जनाएको परिवारले जनाएका छन् । यो संगैपरिवार र आफन्तले भने अस्पतालले लापरवाही गरेको भन्दै बिहिबार शव बुझ्न मानेका छैनन् । 

आफन्त रामु अस्लामीले अस्पतालको लापरवाहीले आफै अस्पतालमा उपचार गर्न गएका बिरामीको मृत्यु भएको दाबी गरे । उनले अवस्था गम्भीर भएपछि भेन्टिलेटरमा राख्नुपर्ने बिरामीलाई सामान्य तरिकाले उपचार गरेको बताए ।

‘मंगलबार भर्ना भएको बिरामीको बुधबार मात्र स्वाब पठाइयो,’ उनले भने, ‘कोभिड शंकास्पद हो भने सोही अनुसार व्यवस्थापन गर्नुपर्ने थियो । बिहिबार एकाएक प्रहरी लगाएर छुट्टै बस्न लगाइएको छ ।’ शव अस्पतालमा र्याप गरेर राखेको परिवारले बताए ।    

नागरिक अनलाइन

लेखकबाट थप

• बिहिवार, कार्तिक २० २०७७०१:०६:२१

• Tags:

  # कोरोना भाइरस # कोरोना संक्रमितको मृत्यु # पाल्पा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा