आइतवार, भाद्र १९ २०७९

अमेरिकामा रुप स्मृति क्रिकेट प्रतियोगिता शुरू

नागरिक अनलाइन

2.0K

अमेरिकामा रुप स्मृति क्रिकेट प्रतियोगिता शुरू

टेक्सस,भदाै १९।

गैर आवासीय नेपाली संघ,राष्ट्रिय समन्वय परिषद् अमेरिका र साथी बाल्टिमोरको आयोजनामा मेरिल्याण्ड राज्यको बाल्टिमोरमा रुप स्मृति तथा साथी कप क्रिकेट प्रतियोगिता शुरू भएको छ ।

प्रतियोगितामा अमेरिकाको विभिन्न राज्य तथा शहरमा रहेका क्रिकेट क्लबहरुको सहभागिता छ । संघका सचिव अनुप खनालका अनुसार प्रतियोगितामा मेरिल्याण्ड ग्राब्स, ल्यान्काष्टर क्रिकेट क्लब,फार वेर्ष्टन क्रिकेट क्लब,बोस्टन अल स्टार्स,एझरेष्ट लायन क्रिकेट क्लब,साथी बाल्टिमोर त्रिकेट क्लब , रियुनियन क्रिकेट क्लब र बाल्टिमोर एथलेटिक क्लबको सहभागिता रहनेछ । सहभागि क्लबहरुलाई २ समुहमा विभाजन गरी प्रतियोगिता संचालन हुनेछ । समुह चरण लिग शैलीमा हुने र समुहका उत्कृष्ट २ समुह सेमिफाईनलमा प्रवेश गर्नेछन् ।

खेल २० ओभरको हुने आयोजकले जानकारी दिएका छन् । विजेता तथा उपविजेता क्लबलाई क्रमशः ३ हजार ५ सय र २ हजार डलर नगद तथा ट्रफी प्रदान गरिनेछ । संघले भारोत्तोलनका पूर्व अन्तराष्ट्रिय पदक विजेता रुप कार्कीको स्मृतिमा प्रतियोगिता संचालन गर्न लागेको हो । संघले यस अघि नेपाली राष्ट्रिय क्रिकेट टोलीको सहभागिता सहीतको एनआरएनए एनसिसी क्रिकेट प्रतियोगिता समेत संचालन गरेको थियो ।

सेप्टेम्बर ६ सम्म प्रतियोगिता हुनेछ ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)