शुक्रवार, भाद्र १० २०७९

गृहमन्त्री खाँणद्वारा रुपन्देहीको शुद्धोधनमा पक्की पुलको शिलान्यास

नागरिक अनलाइन

2.0K

गृहमन्त्री खाँणद्वारा रुपन्देहीको शुद्धोधनमा पक्की पुलको शिलान्यास

बुटवल,भदाै १०।

रुपन्देहीको शुद्धोधन गाँउपालिका वडा न ४ वेतहीमा पक्की पुल निर्माण थालिएको छ ।

भलवारी हुदै पश्चिम पहुंनी,वेतही फर्साटिकर सडकखण्डको तिनाउ नदीमा बन्ने पुलको गृहमन्त्री बालकृष्ण खांणले शुक्रबार शिलान्यास गर्नुभयो ।

पुल निर्माणमा करिब २२ करोड लागत लाग्नेछ भने ३ बर्षमा निर्माण सुकिने जनाइएको छ ।सो अबसरमा बोल्दै मन्त्री खाँणले विस २०४८ सालमा आफु चुनावी अभियानकै बेला यसक्षेत्रमा पुलको आवश्यकता महसुस गरेको बताउनुभयो । उहाँले त्यो पुल नहुदा आफैले पीडा भोगेको स्मरण समेत गर्दै अब पुल बनेपछि तिलोत्तमा र शुद्धोधन सहज रुपमा जोडिने उल्लेख गर्नुभयो ।

pul silanyas.jpg उहांले आफु सरकारका रहेकाले पुलको निर्माण समयमै सम्पन्न गर्न सरकारी तहबाट गर्ने सबैखाले पहल गर्न आफु तयार रहेको उहांको भनाइ छ ।समयमै पुल सम्पन्न गर्ने ठेकेदाररहरुलाई राष्ट्रपतिबाट प्रदान गरिने विभुषण बाट सम्मान गरिने समेत प्रतिबद्धता जनाउनु भयो ।

जिल्लाको तिलोत्तमा नगरपालिका र सुद्धोधन गाउंपालिकाले यहांको गरिमा बढाउन अर्गानिक कृषि उत्पादन गरेर कृषि पर्यटन प्रवद्र्धनमा लाग्न उहाको आग्रह छ ।

सो अबसरमा लुम्बिनी प्रदेशका शिक्षा मन्त्री वसिउद्धिन खँ,प्रदेशसभा सदस्य पुष्पा थरुनी,तिलोत्तमा नगरपालिका प्रमुख रामकृष्ण खांण लगायतले बोल्दै पुलको निर्माणले शुद्धोधन क्षेत्रको कृषि उत्पादनलाइ बुटवल भैरहवासम्म पुर्याउन र आवतजावत गर्न निकै सहज हुने धारणा राख्नुभयो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)