बुटवल,साउन २९ ।

सरस्वती माता फाउन्डेसनले  शैक्षिक सामाग्री हस्तान्तरण गरेको छ । असहाय, गरिब तथा विपन्न बालबालिकाहरूलाई लक्षित गरि आयोजना गरिएको उक्त कार्यक्रम गुल्मीको रुरुक्षेत्र गाउँपालिका-०४ मा अवस्थित ज्ञवा माध्यमिक विद्यालयमा सम्पन्न भएको हो ।

संस्थाका अध्यक्ष रञ्जित ज्ञवालीको अध्यक्षता भएको कार्यक्रममा रुरुक्षेत्र गाउँपालिका ४ का नवनिर्वाचित वडा अध्यक्ष मोति प्रसाद श्रेष्ठको आतिथ्यता रहेको थियो । यस्तै, कार्यक्रममा विद्यालय व्यवस्थापन समिती सदस्य चुरामणी ज्ञवाली र युवा समाजसेवी जगन्नाथ ज्ञवालीको आतिथ्यता रहेको थियो । 

कार्यक्रममा बोल्दै प्रमुख अतिथि श्रेष्ठले सरस्वती माता फाउन्डेसनले गाउँपालिकामा निकै राम्रो योगदान पुर्याएको र अगामी दिनहरूमा पनि यस्तै यस्तै कार्यक्रम गरिराख्न आग्रह गर्नुका साथै वडा सहयोगको लागि सधै तयार रहेको प्रतिबद्धता जनाए । कार्यक्रममा ज्ञवा मा।वि, बलेटक्सार र जनबोध मा।वि, रानीवासमा अध्ययनरत १० जना असहाय, गरिव तथा विपन्न विद्यार्थीहरूलाई शैक्षिक सामाग्री हस्तान्तरण गरिएको थियो भने उनीहरूसंगै रक्षा बन्धन पनि बाँधिएको थियो । 

पढ्नमा अब्बल तर समस्या भईरहेका केही विद्यार्थीहरूलाई छानेर उनीहरूलाई केही मात्रामा भएपनी सहज होस भन्ने उद्देश्यका साथ कार्यक्रम गरिएको कार्यक्रम संयोजक प्रवेश ज्ञवाली बताए ।

कार्यक्रममा संस्थाका सदस्य अभिषेक कंडेलको स्वागत मन्तव्य रहेको थियो । यस्तै, कार्यक्रम संस्थाका कोषाध्यक्ष मनिष सुनारको सञ्चालनमा सम्पन्न भएको हो ।

नागरिक अनलाइन

लेखकबाट थप

• आइतवार, श्रावण २९ २०७९०६:५८:१३

• Tags:

  # शैक्षिक सामाग्री हस्तान्तरण

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग