बुटवल,असार २९ ।

भानुजयन्तीको अवसर पारेर बुटवल सुख्खानगरमा रहेको एभरेष्ट मा.विले बुधबार कविता वाचन प्रतियोगिता गरेको छ । २०९ औं भानुजयन्तीको अवसर पारेर आयोजित कविता वाचन प्रतियोगितामा कक्षा ४ र ५ बाट स्पर्श लम्साल प्रथम, सुमंग अर्याल द्वितीय र ओशिन थापाले तृतीय स्थान प्राप्त गरे ।

यसैगरी कक्षा ६, ७ र ८ मा विदुषी गौतम प्रथम, शितल पन्थ द्वितीय र इशाक बिकले तृतीय स्थान हासिल गरे । यस्तै कक्षा ९ र १० मा भएको कविता वाचनमा सम्मान वाग्ले प्रथम, बेनजिर के.सी. द्वितीय र सुम्निमा भुषालले तृतीय स्थान हासिल गरेको विद्यालयका सहायक प्राचार्य भिमसेन गौतमले जानकारी दिनुभयो ।

कक्षा ४ देखि १० सम्मका ५० जना विद्यार्थीले सहभागिता जनाएको कविता वाचन प्रतियोपगतामा भानुभक्त आचार्यको जीवनी र महिमालाई समेटेर विद्यार्थीहरुले कविता वाचन गरेका थिए ।

विद्यालयका सह प्राचार्य भीमसेन गौतमको अध्यक्षता, प्राचार्य कृष्ण न्यौपानेको प्रमुख आतिथ्यमा भएको कार्यक्रममा उप–प्राचार्य उमेश रेग्मी र महिला शिक्षक लक्ष्मी कार्कीले निर्णायकको भूमिका निर्वाह गर्नुभएको थियो । सो अवसरमा शुभकामना मन्तव्य व्यक्त गर्दै प्राचार्य न्यौपानेले कवितामार्फत भानुभक्तले घाँसीको प्रेरणाबाट नेपाली साहित्यमा आदिकविको उपाधि पाए जस्तै विद्यार्थीहरुले पनि भानुभक्तबाट धेरै प्रेरणा लिई अघि बढ्नुपर्ने बताउनुभयो ।

प्रतियोगितामा सफल विद्यार्थीलाई पुरस्कृत गरिएको थियोे । सो अवसरमा भानुभक्तको तस्बिरमा टीका र माल्यार्पण गरी उहाँको स्मरण गरिएको थियो ।

नागरिक अनलाइन

लेखकबाट थप

• बुधवार, आषाढ २९ २०७९०७:१४:४१

• Tags:

  # कविता वाचन प्रतियोगिता # भानुजयन्ती

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा