बुटवल,कार्तिक १३ । 

बाँकेको नेपालगञ्जवाट साढे २९ लाख रकमसहित पक्राउ परेका दश जना जुवाडेलाई प्रहरीले सार्वजनिक गरेको छ ।

पक्राउ पर्नेमा बाँकेको नेपालगञ्ज उपमहानगरपालिका वडा नं. ४ निवासी सन्ताेष थापा, नेपालगञ्ज ६ का मेघनाथ कुचबन्दिया, नेपालगञ्ज वडा नं. ४ का नविन घिमिरे, नेपालगञ्ज वडा नं. १० का टोपबहादुर शाही, नेपालगञ्ज वडा नं. ४ निवासी पब्लु भण्डारी, सोही ठाउँका तरुण गौतम, नेपालगञ्ज वडा नं. ७ का रविन राणा, नेपालगञ्ज वडा नं. ४ का सञ्तोष वली, सोही ठाउँका कृष्णबहादुर सुवेदी र नेपालगञ्ज वडा नं. १ निवासी रहमान मिया रहेको  जिल्ला प्रहरी कार्यालय बाँकेले जानकारी दिएको छ ।

नेपालगञ्ज उपमहानगरपालिका वडा नं. ४ निवासी ४६ बर्षीय कृष्णप्रशाद वलीको घरमा जुवा खेलिरहेको अवस्थामा बुधवार बेलुका साढे ८ बजे प्रहरीले छापा मारेर उनीहरुलाई पक्राउ गरेको थियो ।

उक्त जुवामा छापा मार्न बाँके जिल्लाका प्रहरी प्रमुख प्रहरी उपरीक्षक ओमबहादुर राना आफै गएका थिए ।राना  नेतृत्वमा वडा प्रहरी कार्यालय र जिल्लाको टोलीले वलीको घरमा छापा हानेर खान तलासी गर्दा दश जुवाडेसहित २९ लाख ४८ हजार ७ सय रुपैंया नगद बरामद भएको एक प्रहरी अधिकारीले बताए ।

पक्राउ परेका मध्य नेपालगञ्ज वडा नं. १ निवासी रहमान मिया नेपालगञ्जमा एकजना कहलिएका व्यापारी हुन । मुस्लिम समुदायका अगुवा समेत रहेका उनी जामा मस्जिद इदगाहा सञ्चालक समितिका पूर्व अध्यक्ष समेत हुन । पक्राउ परेका प्राय सबै व्यापारी तथा जग्गा व्यापारीहरु रहेको स्रोतले बताएको छ ।

नागरिक अनलाइन

लेखकबाट थप

• बिहिवार, कार्तिक १३ २०७७०६:२४:२९

• Tags:

  # जुवाडे पक्राउ # तास

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा