बुटवल,असार ७ ।

नेपाल पत्रकार महासंघ रुपन्देही र बुटवल उपमहानगरपालिकाद्धारा स्थापित उत्कृष्ट पत्रकारिता पुरस्कारबाट तीन जना पत्रकार पुरस्कृत हुने भएका छन् ।

महासंघ रुपन्देहीको मंगलबार बसेको सचिवालय बैठकले मूल्यांकन समितिले २०७५ बाट यानेन्द्र जिसि, २०७६ बाट रामप्रसाद आचार्य र २०७७ बाट रेखा भुसाललाई पुरस्कृत गर्न गरेको सिफारिशलाई अनुमोदन गर्ने निर्णय गरेको हो ।

यस पुरस्कारको राशी ५० हजार छ । जिसि नेपाल पत्रकार महासंघ रुपन्देहीका निवर्तमान अध्यक्ष एंव लुम्बिनी दैनिकका सल्लाहकार सम्पादक हुन । त्यस्तै आचार्य नेपाल पत्रकार महासंघ रुपन्देहीका निवर्तमान सचिव र दैनिकपत्रका प्रबन्ध सम्पादक हुन्। भुसाल नागरिक दैनिक लुम्बिनी प्रदेश प्रमुख हुन् ।

पुरस्कार केहि दिनमै बिशेष समारोह गरेर वितरण गर्ने महासंघ रुपन्देहीका सचिव विनोद परियारले जानकारी दिए । 

कोभिडका कारण रोकिएको तीन वर्षको पुरस्कार मूल्यांकनका लागि महासंघ रुपन्देहीका पूर्व अध्यक्ष एंव सल्लाहकार विनोद पहाडीको संयोजकत्वमा मूल्यांकन समिति गठन गरेको थियो । मूल्यांकन समितिको सदस्यमा खिमानन्द भट्टराई र भगवती पाण्डे सदस्य रहेका थिए । महासंघ रुपन्देहीका अध्यक्ष रामराज पोख्रेलको अध्यक्षतामा बसेको बैठकले मूल्यांकन समितिलाई धन्यवाद दिएको छ ।

नागरिक अनलाइन

लेखकबाट थप

• मंगलवार, आषाढ ७ २०७९०७:४९:३५

• Tags:

  # उत्कृष्ट पत्रकारिता पुरस्कार

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा