काठमाडौं,असार १ ।

नेपाली कांग्रेसका सांसद गगन थापाले प्रधानमन्त्री शेरबहादुर देउवाले ‘‘स्टेट पार्टनरसिप प्रोग्राम’ (एसपीपी)बारे संसदमा जानकारी दिनुपर्ने बताउनुभएको छ ।

प्रतिनिधिसभाको बुधबारको बैठकमा कांग्रेसका महामन्त्रीसमेत रहनुभएका सांसद थापाले अमेरिकासँग गर्न लागेको भनिएको एसपीपी सम्झौताबारे प्रधानमन्त्री देउवाले नै संसदमा आएर जानकारी दिनुपर्ने बताउनुभएको हो ।

‘‘हामीले सबै शक्ति राष्ट्रसँग मिलेर काम गर्ने हो तर सेना संलग्न हुने कुनै पनि कार्यक्रममा नेपाल सहभागी हुन पाउँदैन ।,’’ उहाँले भन्नुभयो ।

सांसद थापाले प्रधानमन्त्रीले संसदमा आएर एसपीपी सम्झौता हुँदैन र गर्दैनौं भन्नुपर्ने माग गर्नुभयो । ‘‘प्रधानमन्त्री मेरो पार्टीको सभापति पनि हुनुहुन्छ । नेपाली एसपीपी जस्तो सामरिक स्वार्थ भएको कार्यक्रममा सहभागी हुनुहुँदैन ।,’’ उहाँले भन्नुभयो, ‘‘आजै अहिले नै यो बैठकमा आएर प्रधानमन्त्रीले आफैँले यस्तो किसिमको सम्झौता उहाँकै भाषामा ‘गर्दैन गर्दैन गर्दैन’ भनेर भन्नुपर्छ ।’’

नागरिक अनलाइन

लेखकबाट थप

• बुधवार, आषाढ १ २०७९०१:०१:२४

• Tags:

  # महामन्त्री गगन थापा # गगन थापा

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा