बुटवल,जेठ १४ ।

गणतन्त्र दिवस २०७९ को पुर्वसन्ध्यामा लुम्बिनी प्रदेशको मुकाम बुटवलमा खुला दौड (रोड रेस) गरिएको छ । 

लुम्बिनी प्रदेश शिक्षा, विज्ञान, युवातथा खेलकुद मन्त्रालय र लुम्बिनी प्रदेश खेलकुद परिषदको संयुक्त आयोजनामा शनिबार खुल्ला दौड प्रतियोगिता भएको हो ।कार्यक्रमको एक समारोहका बिच लुम्बिनी प्रदेशका मुख्यमन्त्री कुल प्रसाद केसीले उद्घाटन गर्दै खेलकुदको विकासमा प्रदेश सरकार लागेको बताउनुभयो । 

पांच किलोमिटर खुल्ला दौड प्रतियोगिताको उपाधि कपिलवस्तु वाणगंगा बहुमुखी क्याम्पस, लौगाईका अजय पाण्डेले जित्नुभयो ।

उहाले १६ मिनेट ३० सेकेन्डमा पाच किलोमिटरको दुरि पार गर्नुभयो । प्रतियोगितामा नवीन औधोगिक माबिमा ११ कक्षामा अध्ययरत प्रशान्त थापा दोस्रो हुनुभयो ।उहांले दुरी १७ मिनेट ४२ सेकेन्डमासो दुरी पार गर्नुभयो । कालिका मानवज्ञानका राजन बलाल थापा प्रतियोगिताम तेस्रो  हुनुभयो ।

उहांले १८ मिनेट १२ सेकेन्डमा दुरी पार  गर्नुभयो ।  यसैगरि महिलातर्फ घोराहीकी अनिषा चौधरी प्रथम  हुनुभयो । उहाले २२ मिनेट २७ सेकेन्डमा दुरी पार गर्नुभयो ।

यसैगरि कालिकाकी अन्जना पाण्डेले २९ मिनेट १३ सेकेन्डमा दुरी पार गर्दै दोस्रो र कालिका कै सन्जना अधिकारी ३० मिनेटमा दुरी पार गदै प्रतियोगितामा तेस्रो हुनुभयो ।लुम्बिनी प्रदेशमा भौ पूर्वाधारसंगै खेलकुद गतिविधिलाई अगाडी बढाउन कार्यक्रम गरिएको परिषदका सदस्य सचिव जयप्रकाश भट्टराईले बताउनुभयो ।

खेलाडीहरुलाई आर्थिक रुपमा सबल हुने गरि सरकारको योजना र कार्यक्रमहरु अघि बढेको उहाको दाबी छ । सो प्रतियोगितामा प्रथम, दोस्रो र तेस्रो हुने खेलाडीलाई क्रमश नगद १० हजार, ८ हजार र ५ हजारसहित प्रमाणपत्रबाट आईतबार हुने औपचारिक कार्यक्रममा पुरस्कृत गरिने उहाले बताउनुभयो ।

दौडमा रुपन्देही, कपिलबस्तु, घोराही, पाल्पा, नवलपरासी, गुल्मीलगायतका एक सय बढी खेलाडीहरु सहभागी रहेका थिए ।

नागरिक अनलाइन

लेखकबाट थप

• शनिवार, जेठ १४ २०७९११:४४:४२

• Tags:

  # खुल्ला दौड # बुटवलमा खुला दौड # गणतन्त्र दिवस

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा