बुटवल,जेठ ३ ।

रुपन्देहीको एकमात्र उपमहानगर बुटवलमा नेपाली कांग्रेसले फराकिलो मतान्तर बनाएको छ । १९ वटा वडा रहेको 
बुटवलमा अहिलेसम्म १,२,३,४,५,१९,१८,१७ र १६ को नतिजा आइसकेको छ ।

यहाँ १९ र १८ एमालेले जितेको छ भने १ मा स्वतन्त्रले जितेको हो । त्यस्तैगरि २ मा समाजबादी,३ मा माओबादी केन्द्र,४,५,१६ र १७ मा कांग्रेसले जित निकालेको छ ।

स्थानीय तह निर्वाचनको जारी मत गणनामा बुटवलमा मेयर पदका उम्मेद्वार कांग्रेस नेता खेलराज पाण्डेयले मतान्तरलाई फराकिलो बनाउँदै अघि बढेका छन् ।

पाण्डेयले १० हजार ६११ मत प्राप्त गर्दै अग्र स्थानमा छन् । नेकपा एमालेका बाबुराम भट्टराईले ७ हजार ८२ मत प्राप्त गरेका छन् ।  भट्टराई पाण्डेभन्दा ३ हजार ५२९ मतले पछि रहेका छन् । यसैगरी राप्रपाका मृगेन्द्र शेरचनले २ हजार ६४ मत प्राप्त गरेका छन् ।

उप मेयर उम्मेदवारमा भने नेकपा एमालेकी सबित्रा अर्यालले सूर्य चिन्हमा अग्रता कायम राखेकी छन् । उनले गठबन्धनका चिनबहादुर गुरुङलाई २ हजार २२१ मतले पछि पारेकी छन् । अर्यालले ७ हजार ७७३ मत प्राप्त गर्दा गुरुङले कलम चिन्हमा ५ हजार ६८२ मत पाएका छन् । यसैगरि राप्रपाकी भगवती पाण्डे सैजुले हलो चिन्हमा २ हजार ३६३ मत प्राप्त गरेकी छन् ।
 

-----अपडेट-----

वडा न ६ मा पनि कांग्रेसले जितेको छ । कूल २४ हजार ५५७ मत गणना भइसक्दा मेयर पदमा कांग्रेसका खेलराज पाण्डेले ११ हजार ९८३ र एमालेका बाबुराम भट्टराईले ७ हजार ८७९ मत पाएका छन् ।

खेलराजले निरन्तर मतान्तर बढाउंदै ४ हजार १०४ मतले अग्रता लिएका छन् । उपमेयर पदमा भने एमालेकी सावित्रादेवी अर्यालले ८ हजार ८१४ र एकीकृत समाजवादीका चिनबहादुर गुरुङले ६ हजार ३७६ मत पाएका छन् ।

• बुटवलका दशवटा वडामा सकियाे मतगणना,कहाँ कस्को जित ? (सूचीसहित)

नागरिक अनलाइन

लेखकबाट थप

• मंगलवार, जेठ ३ २०७९०८:५७:५३

• Tags:

  # बुटवल उपमहानगर # खेलराज पाण्डेय # मतगणना

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा