बुटवल,जेठ २ ।

नेपालकै दोस्रो अन्तर्राष्ट्रिय विमानस्थल भैरहवामा सञ्चालनमा आएको छ । प्रधानमन्त्री शेरबहादुर देउवाले सोेमबार  भैरहवास्थित गौतमबुद्ध अन्तर्राष्ट्रिय विमानस्थलको औपचारिक उद्घाटन गर्दै हुनुहुन्छ । 

प्रधानमन्त्री देउवाले सोमबार औपचारिक उद्घाटन गर्नुभएपछि राष्ट्रिय गौरवको आयोजनाका रूपमा रहेको यो विमानस्थल विधिवत् सञ्चालनमा आउनेछ । बुद्व जयन्तीका अवसरमा उद्घाटन हुन लागेको यस विमानस्थललाई लुम्बिनी प्रदेशसहित देशकै समृद्विको ढोकाका रूपमा हेरिएको छ ।

विमानस्थलका महाप्रबन्धक गोविन्दप्रसाद दाहालका अनुसार कुवेतबाट आउने जजिरा एयरवेज र काठमाडौँबाट जाने नेपाल वायुसेवा निगमको न्यारो बडी ३२०को विमानलाई स्वागत गरेर विमानस्थलको औपचारिक उद्घाटनको तयारी छ ।

उहाँले भन्नुभयो, “करिब ७५ जना यात्रु बोकेर कुवेतबाट आउने एयर जजिराको जहाजलाई भैरहवा विमानस्थलमा स्वागत गरेर प्रधानमन्त्री, पर्यटनमन्त्री, नागरिक उड्डयन प्राधिकरणका प्रमुखलगायतका विशिष्ट व्यक्तिको उपस्थितिमा विमानस्थलको औपचारिक उद्घाटन हुनेछ । झन्डै दुई घण्टापछि १४५ यात्रु बोकेर उक्त जहाज कुवेत फर्कनेछ ।”

नागरिक अनलाइन

लेखकबाट थप

• सोमवार, जेठ २ २०७९०६:४८:२०

• Tags:

  # विमानस्थल

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...