बुटवल,वैशाख २७ । 

गृहमन्त्री वालकृष्ण खाँणले रुपन्देहीको बुटवल उपमहानगरपालिका वडा नं १२ नयाँगाउँ स्थित श्री स्वामिनारायण मुक्तिनाथ धाममा पुजा अर्चना गर्नुभएको छ ।

खाँणलेआज बिहानै धाममा पुगेर शिवज्याेतिर्लिंङ्गमा जलार्पणसहित पुजा आराधना गर्नुभएको हो । त्यस अवसरमा गृहमन्त्री खाँणलाई मन्दिर व्यवस्थापन समितिका अध्यक्ष धर्मराज शर्मा, कांग्रेसबाट वडा अध्यक्षका उम्मेदवार डिल्ली प्रसाद शर्मा आचार्यसहितका उम्मेदवार तथा धामका पदाधिकारी तथा सदस्यहरुले स्वागत गर्नुभएको थियो ।

साे अवसरमा खाँणले देश विकासका लागि सबै जातजाति, धर्म, संस्कृतिभन्दा माथि उठेर लाग्नुपर्नेमा जोड दिनुभयो । उहाँले सबै जात, जाति, धर्म, संस्कृतिको आफ्नै विशेषखाले परम्परा रहेको उल्लेख गर्दै सबै धर्मावलम्बीले एक–अर्काको सम्मान गर्नुपर्ने बताउनुभयो ।

त्यस अवसरमा बुटवल उपमहानगरपालिकाका मेयर पदका उम्मेदवार खेलराज पाण्डेयपनि सहभागि हुनु भएको थियो । मन्दिरमा गृहमन्त्री खाँणसंगै मेयर उम्मेदवार पाण्डेयले पनि पुजा आराधना गर्नुभएको थियो । उहाँले नगरमा कांग्रेस नेतृत्वको गठबन्धन जित नजिक रहेको दाबि गर्नुभयो ।

धाममा पुगेका नेताहरुलाई फूलमालासहित स्थानीयले न्यानाे स्वागत गरेको गाेपाल पाण्डेले बताउनुभयो ।

नागरिक अनलाइन

लेखकबाट थप

• मंगलवार, बैशाख २७ २०७९०९:३७:५२

• Tags:

  # मुक्तिनाथ धाम # नेपाली कांग्रेस # खेलराज पाण्डेय # गृहमन्त्री बालकृष्ण खाँण # बुटवल उपमहानगर

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा