बुटवल,बैसाख २२ ।

नेपाली काँग्रेस रुपन्देहीले ८ जनालाइ साधारण सदस्य समेत नरहनेगरी पार्टीबाट निस्कासन गरेको छ । पार्टीलाई असहयोग गरेको र विधान विपरित गतिबिधि गरेपछि उनीहरु कारबाीमा परेका हुन् ।

पार्टी छोडेर जसपामा प्रवेश गरेका मात्रिकाप्रसाद यादव सहित वागी उम्मेदवारी दिएका ८ जना कारबाहीमा परेका हुन् । यादव नेपाली काँग्रेसबाट टिकट नपाएपछि पार्टी परित्याग गरि जनता समाजवादी पार्टीमा प्रवेश गरेका थियो ।

यादव अहिले जसपाबाट सिद्धार्थनगर नगरपालिकाको मेयरमा उम्मेदवारी दिनुभएको छ । पार्टीका आधिकारिक उम्मेदवार विरुद्ध वागी उम्मेदवारी दिने ८ जनालाई नेपाली काँग्रेस रुपन्देहीको जिल्ला अनुशासन समितिले साधारण सदस्य समेत नरहने गरी कारवाही गरेको हो ।

जिल्ला सचिव हरि काफ्ले संयोजक तथा रामकिशुन विक र जमुना पौडेल सदस्य रहेको काँग्रेस रुपन्देहीको जिल्ला अनुशासन समितिले पूर्व क्षेत्रीय सभापति समेत रहेका सिद्धार्थनगर नगरपालिका ७ का यादव सहित सैनामैना २ का राजबहादुर क्षेत्री,बुटवल उपमहानगरपालिका वडा नं १ का नरेन्द्र बस्नेत, देवदह ६ का रुक्मागत भारती, देवदह १ का चाँद मोहम्मद खाँ, देवदह १२ का उदयराज केवट र विवेक विक, सिद्धार्थनगर नगरपालिका ३ का मोहम्मद कलाम मुसलमानलाई पार्टीको साधारण सदस्य समेत नरहने गरी कारवाही गरेको हो ।

पार्टीका आधिकारिक उम्मेदवार विरुद्ध उम्मेदवार दिई पार्टीलाई असहयोग गरेको भन्दै पार्टीको विधानको परिच्छेद ९ दफा ३४ को उपदफा ४ (क) बमोजिम उनीहरुलाई साधारण सदस्य समेत नरहने गरी कारवाही गरिएको हो ।

नागरिक अनलाइन

लेखकबाट थप

• बिहिवार, बैशाख २२ २०७९०३:३६:०५

• Tags:

  # कांग्रेस रुपन्देही # निस्कासन

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा