देवदह,बैशाख २१ ।

देवदहको विकासका लागि सवै तह र तप्का संग समन्वय गरेर दीर्घकालिन योजना बनाई अगाडि बढ्ने नेकपा एमाले मेयरका उम्मेदवार धुर्वप्रसाद खरेलले बताउनु भएको छ । उहाले समृद्ध देवदह निर्माणको लागि शिक्षा, स्वास्थ्य, कृषिमा उल्लेखनीय लगानी गर्ने दावी गर्नु भयो ।

नेपाल कम्यूनिष्ट पार्टी एमाले देवदह–२, ले स्थानीय तहको निर्वाचनलाई लक्षित गर्दै गरेको घरदैलो कार्यक्रमलाई सम्बोधन गर्दै नेता खरेलले उक्त कुरा बताउनु भएको हो । उहाले नेकपा एमालेको पहिलो प्राथमिकता भनेको सुकुम्वासी र अव्यवस्थित बसोवास समस्या समाधान रहेकोमा जोड दिनु भयो ।

उहाले देवदह क्षेत्रमा धेरै सुकुम्वासी र अव्यवस्थित बसोवास रहेकोले त्यसको व्यवस्थापनको लागि देवदह नगरपालिका निरन्तर लागिरहनेमा जोड दिनु भयो । नेता खरेलले नेकपा एमालेले देवदहवासीको शिर झुक्न नदिने गरी काम गर्ने प्रतिवद्धता व्यक्त गर्नु भयो ।

नेकपा एमालेले स्थानीय तहको निर्वाचनलाई लक्षित गर्दै देवदहको १२ वटै वडामा घरदैलो अभियान संचालन भईरहेको निर्वाचन परिचालन कमिटीका संयोजक टिकाराम चापागाईले जानकारी दिनु भयो ।

देवदहमा नेकपा एमालेले मेयरमा धु्रवप्रसाद खरेल र उपमेयरमा विद्यालक्ष्मी गुरुङ्गलाई उम्मेदवार बनाएको छ । घरदैलो कार्यक्रममा नेता, कार्यकर्ता, शुभचिन्तक तथा आमनागरिकहरुको उत्साहजनक सहभागिता रहेको सो पार्टीले जनाएको छ । 

नागरिक अनलाइन

लेखकबाट थप

• बुधवार, बैशाख २१ २०७९०७:३३:५१

• Tags:

  # नेकपा एमाले # सुकुम्वासी समस्या # धुर्वप्रसाद खरेल # नेकपा एमाले # सुकुम्वासी समस्या # धुर्वप्रसाद खरेल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा