बुटवल,बैशाख १३ ।

बुटवल उपमहानगरपालिकाको वडा सदस्यमा डा. बालकृष्ण चापागाईँले उम्मेदवारी दिएका छन् । मेयर पदको दाबी गर्दै आएका उनले सोमबार वडा सदस्यका लागि उम्मेदवारी दर्ता गराएका छन् ।

नेकपा एकीकृत समाजवादीका केन्द्रीय सदस्य तथा रुपन्देही इन्चार्जसमेत रहेका चापागाईँले गठबन्धनबाट आफूले मेयर पद पाउनु पर्ने बताउँदै आएका थिए । नेकपा एमालेमा रहँदा समेत ०५४ तथा ०७४ सालमा बुटवलको मेयरका लागि दावेदारी गरेका थिए ।

सोमबार मनोनयन दर्ताको अन्तिम समयमा साँझ साढे ५ बजे उनले बुटवलस्थित निर्वाचन कार्यालयमा बुटवल वडा नं ४ को वडा सदस्यमा उम्मेदवारी दिएका थिए ।

उनले लुम्बिनी बौद्ध विश्वविद्यालयबाट विद्यावारिधि गरेका छन् । चापागाईँ प्रेस चौतारीको पूर्वकेन्द्रीय अध्यक्ष तथा राससको पूर्व कार्यकारी अध्यक्ष हुन् । आफ्नो वडाको, टोलको विकासमा ध्यान नदिने परम्परा तोड्न र पार्टीका उपस्थितिलाई समेत जोड्न मेरो उम्मेदवारी हो - चापागाईँले भने ।

नेकपा एसलाई बुटवलको भागबन्डामा उपमेयर परेको थियो त्यो पदमा पार्टीले चीनबहादुर गुरुङलाई उम्मेदवार बनाएको छ ।

नागरिक अनलाइन

लेखकबाट थप

• मंगलवार, बैशाख १३ २०७९०६:०४:१२

• Tags:

  # डा. बालकृष्ण चापागाईं

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग