बुटवल,बैसाख ६ ।

नेपाली कांग्रेसले बुटवल उपमहानगरपालिकाको प्रमुख(मेयर) पदको उम्मेद्वारमा खेलराज पाण्डेयलाई सर्वसम्मत सिफारिस गरेको छ । उपप्रमुख (उपमेयर) मा भने ८ जनाको नाम नगर समितिको बैठकले जिल्ला कार्यसमितिलाइ पठाएको हो ।

बुटवलमा कांग्रेस नगर कार्यसमितिको बैठकले १९ वटै वडाका सभापतिसहित कुल ७३ जनाको उपस्थितीमा बिधानसम्बत नाम जिल्लालाइ पठाइएको नगर सचिव छाया पोखरेलले नगरिक अनलाइनलाई बताउनुभयो ।

यस्तै उपमेयरका लागि रिजन श्रेष्ठ, सावित्रा टण्डन,जमुना ढकाल, रिता केसी,रिता सेन ओली, गंगा पन्थी, राधा ज्ञवाली र सविता शाक्यको नाम सिफारिस भएको छ ।

नगरको सिफारिस जिल्ला र प्रदेशले अनुमोदन गर्नुपर्नेछ । एकल नाम सिफारिस भएकाले मेयर पदमा कांग्रेसबाट पाण्डेको उम्मेद्वारी निश्चित भएको सचिव पोखरेलले बताउनुभयो । पाण्डेयसँगै कांग्रेसबाट क्षेत्र न २ का क्षेत्रीय सभापति हरि लम्साल, व्यवसायी महेशमान सिंह,चुन्नु पौडेल लगायत पनि मेयरका आकांक्षी हुनुहुन्थ्यो ।

उम्मेदबार सिफारिस हुनुभएका पाण्डे हाल पार्टीका नगर सभापतिसमेत हुनुहन्छ  उहाँ अघिल्लो स्थानीय चुनावमा एमालेका शिवराज सुवेदीसँग करिब २४ सय मत अन्तरले पराजित हुनुभएको थियो  ।

नेकपा एमालेले बुटवलबाट अहिलेका मेयर शिवराज सुवेदी, बाबुराम भट्टराई, गोपाल राना, तेजेन्द्र केसी, गोमादेवी आचार्य, सावित्रा अर्याल,सूर्यबहादुर भट्टराई, र रामप्रसाद रेग्मीको नाम सिफारिस गरेको छ ।

अन्य पार्टीले उम्मेदबार टुंगाएका छैनन् ।

को हुन् खेलराज पाण्डेय ?

नाम – खेलराज पाण्डेय
जन्म – बिस २०२६ फागुन ५ गते
बुबा -लिलाबल्लभ पाण्डेय
आमा – तारादेबी पाण्डेय
स्थान – साबिक आलमदेबी २ हाल कालिगण्डकी २
श्रीमती -सीता भट्टराइ (पाण्डेय)
छोरा -अभिषेक पाण्डेय
शिक्षा -स्नातकतह
घर – बुटवल ८ सुख्खानगर रुपन्देही
राजनीति-२०३९ बाट आरम्भ
– आदर्श माबि स्याङजा नेबिसंघ सदस्यता बिस २०३९
-जनता माबि पाल्पा जेभिटी नेबिसंघ समिति २०४०
-त्रिबिमा बिज्ञान संकाय पाल्पा इकाइ २०४३
-अमृत साइन्स क्याम्पस काठमाडौं नेबिसंघ सचिब २०४४—२०४६
-२०४७ बुटवल बहुमुखी क्याम्पस नेबिसंघ उपसभापति
-२०५२ नेबिसंघ सचिब रुपन्देही
-२०५९ तरुण दल जिल्ला अध्यक्ष
-२०६० तरुण दल केन्द्रिय सदस्य
-२०६७ मा नेपाली कांग्रेस नगर सभापति बुटवल
-२०७२ नगर बिकास समिति बुटवलको अध्यक्ष
-२०७२ नेपाली कांग्रस बुटवल उपमहानगर समितिको सभापति (अहिले तेस्राे कार्यकाल ) काम गरेको अनुभब पाण्डेयसंग छ । उनका बुबाको पालामा २०३८ सालदेखि  बुटवलमा झरेका पाण्डेयको पहिचान ग्रासरुटमा सबैभन्दा बलियो छ ।

उनलाइ आम नागरिकले लोभलालच रहित ,सामान्य परिवार,सरल र प्रष्ट बक्ताको रुपमा चित्रित गर्ने गरेका छन् । उनी  बुटवलका सबै नागरिकका दुख सुखमा सहभागि उनी हुने गरेका छन् ।

याे पनि :

• बुटवल मेयर : पाण्डेको नाम सिफारिसपछि कांग्रेसमा असन्तुष्टी,खारेज गर्न माग

कल्पना डुम्रे

लेखकबाट थप

• मंगलवार, बैशाख ६ २०७९०२:१८:५०

• Tags:

  # बुटवल # नेपाली कांग्रेस # खेलराज पाण्डेय # पाँचदलीय गठबन्धन # मेयर

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा