बुटवल,बैशाख ३ । 

नेपाल–अमेरिका पत्रकार महासंघ (नेजा) का महासचिव सुरज भण्डारीले प्रेस चौतारी नेपाल रुपन्देहीले स्थापना गरेको कल्याणकारी कोषका लागि ५० हजार रुपैँया प्रदान गरेका छन् ।

बुटवलमा लामो समय पत्रकारिता गरेर हाल अमेरिकामा बसोबास गर्दै आएका भण्डारीले कोषका लागि रकम प्रदान गरेका हुन् । उनी नेपाल पत्रकार महासंघ रुपन्देहीको पुर्व सहसचिव एवं बुटवल टुडे दैनिकका पुर्व सम्पादक समेत हुन् ।

उनले पत्रकारहरुको हकहितका लागि चौतारीले कल्याणकारी कोष स्थापना गरेकोमा खुशी प्रकट गर्दै ५० हजार रुपियाँ प्रदान गरेका हुन् । प्रेस चौतारी नेपाल रुपन्देहीका अध्यक्ष लक्ष्मण पौडेलमार्फत कल्याणकारी कोषका लागि रकम हस्तान्तरण गरिएको हो ।  उनले पत्रकारहरुको हक हित र पेशागत सुरक्षाका लागि जिम्मेवार भएर लाग्न र रचनात्मक काममा सक्रिय हुन सुझाव दिए ।

प्रेस चौतारी रुपन्देहीका अध्यक्ष पौडेलले संगठनको कल्याणकारी कोषका लागि सहयोग गरेकोमा भण्डारीलाई धन्यवाद थिए । त्यस्तै प्रेस चौतारी नेपालकी केन्द्रीय सदस्य दिपु पोखरेल ज्ञवालीले पनि कल्याणकारी कोषका लागि २५ हजार पाँच सय रुपियाँ प्रदान गर्ने घोषणा गरेकी छन् । उनले कोष स्थापना गरेकोमा धन्यवाद दिंदै आफूले सहयोग गर्ने बताएकी हुन् ।

नागरिक अनलाइन

लेखकबाट थप

• शनिवार, बैशाख ३ २०७९०६:५७:४२

• Tags:

  # सुरज भण्डारी # प्रेस चौतारी नेपाल

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग