बुटवल,बैशाख ३ ।

एनएमबि बैंक लिमिटेड लुम्बिनी प्रदेशले सम्पदा यात्रा २०२२ कार्यक्रम सम्पन्न गरेको छ ।  बिश्व सम्पदा दिवस-२०२२को अवसरमा एनएमएमबि बैंक लिमिटेड लुम्बिनी प्रदेशका शाखाहरुका कर्मचारीको सहभागीमा हेरिटेज वाक कार्यक्रम सम्पन्न गरेको हो ।

करिब १५० जना कर्मचारीको सहभागीता रहेको कार्यक्रममा सहभागीले सम्पदा संरक्षण गरौँ, सम्पदा जोगाऔँ लगायतका नाराहरु रहेका प्लेकार्डहरु बोकेका थिए ।

बुटवल ट्राफिकचोक स्थित एनएमबि बैकको कार्यालयबाट  शुरु भएको पदयात्रा बुटवलको राममन्दिर लाइन, अमरपथ, हाटबजार, पुलचोक, पारी बुटवल हुदै ऐतिहासिक किल्ला जितगढीमा गएर बिसर्जन  भएको थियो । कार्यक्रममा बोल्दै एनएमबि  बैंक लिमिटेड लुम्बिनी प्रदेशका प्रमुख नबिन बिष्टले एनएमबि बैंकले २०११ देखि सम्पदा संरक्षण सम्बन्धि सचेतना जगाउने, सम्पदा संरक्षण गर्ने र नयाँ पुस्तामा सम्पदाको महत्व एवं जानकारी गराउने उद्धेश्यले हेरिटेज वाक कार्यक्रम गर्दै आएको र तदअनुरुप आफुहरुले पदयात्रा  कार्यक्रम गरेको जानकारी दिनुभयो ।

उहाँले  प्राकृतिक सम्पदा, मानवनिर्मित सम्पदा र परम्परागत सस्कृतिलाइ महत्त्व दिदै तिनाउ नदिको तटमा अबस्थित ऐतिहासिक  जितगढि किल्लामा मौलिक बाजगाजाको साथमा पदयात्रा गरिएको बताउनुभयो ।

कार्यक्रममा एनएमबि बैंकले जितगढि संरक्षण समितिलाइ डस्टबिन, नेपालको राष्ट्रिय झन्डा, ऐतिहासिक दृश्य झल्काउने फोटोफ्रेम९ तस्वीरहरु० र मायाको चिनो हस्तान्तरण गरेको थियो । कार्यक्रममा प्रदेश कार्यालयका जोखिम प्रबन्धक कमल न्यौपाने, क्षेत्रीय प्रबन्धकहरु युवराज पाठक, प्रभात सिंह खाती, संचालक प्रबन्धक सुन्दर थापा लगायत लुम्बिनी प्रदेशका शाखाका प्रबन्धक एवं कर्मचारीहरुको सहभागीता रहेको थियो ।

एनएमबि बैंकले २०१७,२०१८, २०१९, २०२१ मा बैंक अफ द इयर नेपाल  तथा नेपालका बैंकहरुबाट पहिलोपटक २०२१ मा बैंक अफ द इयर एसियाको उपाधी चुम्न सफल भएको थियो ।

नागरिक अनलाइन

लेखकबाट थप

• शनिवार, बैशाख ३ २०७९०६:५०:०६

• Tags:

  # एनएमबि बैंक # सम्पदा यात्रा

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...