बुटवल,बैशाख २ ।

लुम्बिनी प्रदेशमा पाँच दलीय गठबन्धनले बैशाख ६ गते भित्र भागवण्डाको टुंगो लगाउने भएको छ । आज बुटवलमा बसेको प्रदेश स्तरिय पाँच दलीय गठबन्धनको बैठकले प्रदेशका १०९ वटै स्थानीय तहमा भागवण्डाको टुंगो लगाउँनको  लागि जिल्लाहरुलाई निर्देशन दिएको छ ।

बैठकले ४ गतेभित्र जिल्लाहरुले सहमतिमा भागबण्डाको टुंगो लगाएर  प्रदेशमा जानकारी दिने निर्णया गरेको हो । कुन दललाई कुन पालिका दिने भन्ने जिल्लामा सहमति गराउने र बैशाख ६ गते भित्र भागवण्डा सकिने नेताहरुले जानकारी दिएका छन । यस्तै सहमति हुन नसकेमा   र नमिलेका विषयसमेत उल्लेख गरी प्रदेशलाई जानकारी गराउन  जिल्लालाई निर्देशन दिएको  नेकपा माओबादी केन्द्र लुम्बिनी प्रदेशका अध्यक्ष सुर्दशन बरालले जानकारी दिनु भयो ।

यस्तै बैठकले केन्द्रीय निर्देशन अनुसार सबै जिल्लाहरुमा नेपाली कांग्रेसको समन्वय गर्नु पर्ने र संयन्त्रको बैठकमा ५ दलिय गठबन्धनहरुलाई उपस्थिती गराउनु पर्ने निर्णय गरेको छ  । बैठकमा नेपाली कांग्रेसका प्रदेश सभापति  अमर सिंह पुन , नेकपा माओबादी केन्द्रका प्रदेश अध्यक्ष सुर्दशन बराल , नेकपा एकीकृत समाजबादी प्रदेश अध्यक्ष मेटमणी चौधरी, जसपा प्रदेश अध्यक्ष अशोक कुमार यादब, राष्ट्रिय जनमोर्चाका बद्रे आलमको उपस्थिति रहेको  थियो । कांग्रेसले ८० स्थानीय तहको प्रमुख पदमा दाबी गरेको छ ।

यस्तै नेकपा माओबादी केन्द्रले २०७ ४मा जितेका १९ स्थानीयतह सहित दोश्रो स्थानमा रहेका स्थानीय तहमा प्रमुख पदको दाबी गर्दै आएको छ । यस्तै नेकपा एकीकृत समाजबादीले २२ वटा स्थानीयतहको प्रमुख पदमा दाबी गर्दै आएको छ । यस्तै जसपा र जनमोर्चाले पहिले जितेका स्थानीय तह र दोश्रो भएका स्थानीय तहमा आफ्नो दाबी गर्दै आएका छन ।

नागरिक अनलाइन

लेखकबाट थप

• शुक्रवार, बैशाख २ २०७९०७:३०:४९

• Tags:

  # पाँचदलीय गठबन्धन

• एमाले रूपन्देही जिल्ला कमिटी सचिवालय सदस्य नकुल शाहीले छाडे पार्टी

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग