बुटवल,वैशाख १ ।

नेपाल प्रो क्लब च्याम्पियनसिपको फाइनलमा रुपन्देही एघार र मलेशिया एघार भिड्ने भएका छन् ।

आज भएको पहिलो सेमिफाइनलमा भारतको उत्तर प्रदेशलाई मलेशियाले १४ रनले पराजित गर्यो । मौषमका कारण भिजेको खेल मैदान सुक्न समय लागेपछि निर्धारित २० ओभरको खेललाई छोट्याएर पाँच ओभरमा झारिएको थियो । पहिले व्याटिङ गरेको मलेशियाले तीन विकेटको क्षतीमा ४४ रन बनायो ।

उसकालागि सहेद अजिजले २३ तथा भिरन्दिप सिंहले २० रन जोडे । राज यादवले तीन विकेट लिए । ४५ रनको लक्ष्य पछ्याएको उत्तर प्रदेश चार विकेटको क्षतीमा मात्र ३० रन बनाउन सक्यो । सुभम चौधरीले सर्वाधिक ११ रन बनाए । भिरन्दिप सिंहले दुई विकेट लिए । 

अर्को सेमिफाइलमा रुपन्देहीले नेपाल आर्मी क्लबलाई ६ विकेटले पराजित गर्यो । पहिले व्याटिङ गरेको आर्मी १९ ओभर चार बलमा अलआउट हुँदै मात्र एक सय तीन रन बनाउन सक्यो । उत्कृष्ट फर्ममा रहेका रोहित पौडेलले ३६ रन बनाए । हरि चौहानले १७ तथा राजेश पुलामीले १३ रन जोडे पनि अन्य खेलाडी सस्तैमा प्याभिलियन फर्किए । चार खेलाडी रन आउट हुन पुगे । बसिर अहमद र रुपेश कुर्मीले दुई–दुई विकेट तथा विक्रम भुषाल र कृष्ण कार्कीले एक–एक विकेट लिए । जबाफी व्याटिङ गरेको रुपन्देहीले १५ बल बाँकी छँदा लक्ष्य पूरा गर्यो ।

बसिर अहमदले दुई छक्का र चार चौकाको मद्दतले ४५ जोडे । सन्दिप रजालीले १९, बिशाल विक्रम केसीले १३ र सौरभ खनालले दश रन जोड्दै टिमलाई जित दिलाए । विक्रम सोबले तीन विकेट लिए । भोली पहिलो खेल तेस्रो स्थानकालागि सेमिफाइनलमा हारेका टिमकाबीच प्रतिस्पर्धा हुनेछ भने दोस्रो खेल समूह चरणमा तेस्रो भएका टिमबीच प्रतिस्पर्धा हुनेछ ।   
 

नागरिक अनलाइन

लेखकबाट थप

• बिहिवार, बैशाख १ २०७९०७:३२:४२

• Tags:

  # रुपन्देही ११ # मलेशिया ११ # नेपाल प्रो क्लब च्याम्पियनसिप

• स‌द्भाव नै हाम्रो धर्म, एकता नै हाम्रो शक्ति भन्ने मूल नारासहित बुटवलमा सद्भाव र्‍याली

• मुक्तिनाथ धाममा ब्यास जयन्ती तथा गुरुपूर्णिमा महोत्सव (फोटोफिचर)

• १०७ युनिट रगत संकलन गरेको गुल्मेली सम्पर्क समाज रुपन्देही सम्मानित

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन