बुटवल,चैत्र ३० ।

रुपन्देहीको बुटवल उपमहानगरपालिकाको नगर प्रमुख (मेयर) मा नेकपा एमालेले ८ जनाको नाम सिफारिस गरेको छ । एमाले उपमहानगर कमिटीको बैठकले ३ जना केन्द्रीय सदस्यसहित ८ जनाको नाम जिल्लामा सिफारिस गरेको हो ।

नगर प्रमुखको उम्मेदवारका लागि अहिलेका मेयर शिवराज सुवेदी, उपमेयर गुमादेवी आचार्य, गोपाल राना, बाबुराम भट्टराई, सावित्रा अर्याल, तेजेन्द्र केसी, राम प्रसाद रेग्मी र सूर्यबहादुर भट्टराईको नाम सिफारिस गरिएको नगर अध्यक्ष किसन ज्ञवालीले नागरिक अनलाइनलाइ बताए ।

एमाले केन्द्रीय सदस्य तथा नगर प्रमुख सुवेदीले आफूले अगाडि सारेका योजनाहरू पूरा गर्न पुनः एक पटक दोहोरिन चाहेको बताउँदै आएका छन् । उपप्रमुख आचार्यले आफू अब स्वतः मेयरको दाबेदार रहेको बताउँदै आएकी छन् ।

 औषधि व्यवसायी संघका केन्द्रीय अध्यक्ष भट्टराई मिलनसार छन् । राना रुपन्देहीका युवा नेता हुन् । उनी सबैसँग घुलमिल छन् ।

अर्यालले यसअघि उपमेयरमा दावी गर्दै आएकी थिइन् तर अहिले नगरले उनको नाम मेयरमा सिफारिस गरेको छ । अर्याल एमाले केन्द्रीय सदस्य हुन् । केसी एमाले रुपन्देहीकी अध्यक्ष हुन् । 

रेग्मी बुटवल उपमहानगरपालिकाको प्रवक्ता तथा १५ नम्बर वडाको वडाध्यक्ष हुन् । गत निर्वाचनमा एमालेले मेयर-उपमेयरसहित १६ वडामा जीत हासिल गरेको थियो । उपमेयरमा पनि ८ जनाको नाम सिफारिस भएको छ। 

यी पनि पढाैँ:-

• सिद्धार्थनगर भैरहवाको मेयरका लागि एमालेबाट ८ जनाको नाम सिफारिस

• रुपन्देहीको तिलोत्तमा नगरमा मेयरका लागि एमालेले पठायो चारजनाको नाम

• बुटवल उपमहानगर : एमालेबाट मेयर र उपमेयरमा ८-८ जनाको नाम सिफारिस

नागरिक अनलाइन

लेखकबाट थप

• बुधवार, चैत्र ३० २०७८०८:२६:४६

• Tags:

  # बुटवलको मेयर # बुटवल उपमहानगरपालिका # मेयर-उपमेयर

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...