भैरहवा, चैत २९ ।

नेपाली कांग्रेसका पूर्व केन्द्रीय सदस्य तथा संविधानसभा सदस्य डा.चन्द्र भण्डारीले स्थानीय तहको निर्वाचन सार्ने कुरा हुनै नसक्ने दावी गरेका छन् ।

उनले कुन नेता कतिखेर बरबराउँछ, किन बरबराउँछन्, विपना वा सपनामा बरबराउँछन् भन्ने छुट्टै कुरा भएको बताए ।

लुम्बिनी प्रेस क्लबले मंगलबार भैरहवामा आयोजना गरेको पत्रकार सम्मेलनमा बोल्दै नेता भण्डारीले कांग्रेसले शान्ति र संविधानको नेतृत्व गरेको बताए । उनले भने, ‘कांग्रेसको आफ्नो लक्ष्य–उद्देश्य छ, माओवादीले हतियार बोक्यो, उसको आफ्नो लक्ष्य छ, एमालेको आफ्नो लक्ष्य छ, राप्रपा नयाँ तरिकाले लागिरहेको छ । ’

चितवनको निर्वाचनमा रेणु दाहाललाई जिताउन मतपत्र च्यातियो र अफ्ठयारो भयो तर त्यो दिन धेरै टिक्न नसकेको उनको भनाइ थियो । एमाले–माओवादी मिलेर झण्डै दुईतिहाईको सरकार बने पनि सरकार टिक्न नसकेको र पार्टी पनि फुटेको उनले बताए ।
कांग्रेसले गठबन्धन गर्दैन भने एमाले र माओवादीले गर्ला भन्ने डर भएको उनले बताए । उनले भने, ‘गठबन्धन बाध्यता हो, यो स्वार्थको एलायन्स हो, यसमा कुनै नीति, सिद्वान्त र दृष्टिकोण छैन्, कतिबेला मिल्छ र फुट्छ भन्ने छैन् ।’ टिकट वितरणको जिम्मेवारी र गठबन्धनबारे स्थानीय तहलाई नै जिम्मेवारी दिइएको उनको भनाइ थियो ।

स्थानीय तहबाट राम्रो काम भएको र बजेट खर्च भएको भण्डारीले बताए । उनले भने, ‘सत्ता प्राप्ती नै प्रमुख कुरा भयो जसका कारण मुलुक माफियातन्त्रमा फस्यो ।’

पार्टीगत रुपमा हेर्दा चुनाव जति बेला आउँछ, नेताहरु मनपरी बोल्ने गरेको उनले बताए । उनले भने, ‘पछि हात मिलाउनुपर्छ भन्ने छैन, कुन समयमा के बोल्नुपर्छ भन्ने छैन, सत्ता स्वार्थका लागि फेरी मिल्छन् । ’

सही मान्छे छान्न नसक्दा अन्तघात हुने गरेको उनले बताए । विपीको नीति सिद्वान्त अनुसार पार्टी चल्न नसकेको उनले बताए । 

नागरिक अनलाइन

लेखकबाट थप

• मंगलवार, चैत्र २९ २०७८०८:२२:२८

• Tags:

  # डा. चन्द्र भण्डारी # नेपाली कांग्रेस

• होटल पौवाद्वारा प्रधानमन्त्री दैवी प्रकोप उद्धार कोषमा ११ लाख रुपैयाँ सहयोग

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान