बुधवार, चैत्र २३ २०७८

सामाजिक सुरक्षा भत्ता पाँच हजार पुर्याउने माधबकुमार नेपालको घोषणा

नागरिक अनलाइन

1.9K

सामाजिक सुरक्षा भत्ता पाँच हजार पुर्याउने माधबकुमार नेपालको घोषणा

कपिलवस्तु,चैत २३ ।

नेपाल कम्युनिष्ट पार्टि (एकीकृत समाजबादी) पार्टीका अध्यक्ष तथा पुर्व प्रधानमन्त्री माधब कुमार नेपालले सामाजिक सुरक्षा भत्ता पाँच हजार पुरयाउने बताउनु भएको छ । आफु एमालेमा रहँदा बृद्धाभत्ताको सुरुवात गरेको भन्दै अब भत्ता बृद्धी गर्ने पुर्व प्रधानमन्त्री माधबकुमार नेपालले बताउनुभयो ।

कपिलवस्तुको शिवराज नगरपालिका चन्द्राैटामा भएको प्रशिक्षण तथा पाटी प्रवेश कार्यक्रमलाई सम्बोधन गर्दै अध्यक्ष नेपालले एकीकृत समाजवादी प्रति जनताको आकर्षण देखेर विपक्षी दलहरू बरबराउन थालेको बताउनुभयो । नेपालले आगामी निर्वाचनमा गठबन्धनका साझा उम्मेदवारले जित्ने बताउनुभयो ।

पाँच दलीय गठबन्धनको निरन्तर वार्ता र छलफल भइरहेको बताउँदै सबै दलहरू गठबन्धन प्रति सकारात्मक रहेको बताउनुभयो ।
कार्यक्रममा एकीकृत समाजवादीमा सचिव भागवत बिश्वासीले एमालेले जनतालाई घात गरेको बताउनुभयो । लुम्बिनी प्रदेश अध्यक्ष मेटामणी चौधरीले कपि ओलीको प्रवृत्तिलाई जनताले अस्वीकार गरेको बताउनुभयो ।

नागरिक अनलाइनमा प्रकाशित कुनैपनि सामग्रीबारे गुनासो,सूचना तथा सुझाव भए हामीलाई nagarikonlinenews@gmail.com मा पठाउनुहोला।)