बुटवल,कार्तिक २-

लुम्बिनी प्रदेशमा कोरोना संक्रमणबाट मृत्यु हुनेको संख्या १ सय २२ पुगेकाे छ । प्रदेश स्वास्थ्य निर्देशनालयले आज बिहानसम्ममा मृत्यु हुनेको संख्या १ सय २२ पुगेकाे जनाएकाे हाे ।  

लुम्बिनी प्रदेशमा ११ हजार १७ जनाले काेराेना जितेर निकाे भएका छन् । अहिलेसम्म १५ हजार ४१७ जनालाइ काेराेना संक्रमण पुष्टि भएकाे तथ्यांक छ । आइसियू/भेन्टिलेटरमा ५४ जनाकाे उपचार भैरहेकाे छ ।

आइतबार बिहान  भेरी अस्पताल नेपालगन्जमा बर्दियाको ठाकुरबाबा नगरपालिका–६ का ४२ वर्षीय पुरुषको उपचारका क्रममा मृत्यु भएको छ ।

असोज १६ गते कोरोना संक्रमण पुष्टि भएका पुरुषको नेपालगन्ज मेडिकल कलेज कोहलपुरको कोभिड वार्डमा ११ दिनसम्म उपचार भएकोमा निको नभएपछि २७ गते भेरी अस्पतालमा भर्ना गरिएको थियो ।

आईसीयूमा भेन्टिलेटरको सहायतामा  प्लाज्मा थेरापीबाट समेत उपचार गरिए पनि बचाउन नसकिएको स्वास्थ्य कार्यालय बाँकेका कोरोना फोकलपर्सन नरेशबाबु श्रेष्ठले जानकारी दिए ।

कोरोनासँगै ती पुरुषमा डेंगुको संक्रमण समेत रहेको श्रेष्ठले बताए । योसँगै बर्दियामा कोरोना संक्रमणबाट मृत्यु हुनेको संख्या ३ पुगेको छ । 

यता शनिबार बेलुका बुटवल कोरोना बिशेष अस्पतालमा ४९ वर्षीय कोरोना संक्रमितको पुरुषको मृत्यु  भएको हो ।

असोज २७ गते कोरोना संक्रमण पुष्टि भएपछि होम आइसोलेसनमा बसेका उनको श्वास्थ्यमा समस्या आएपछि शनिबार अस्पताल भर्ना भएका थिए ।

उनको उपचारका क्रममा साँझ ६ बजे मृत्यु भएको अस्पतालका सूचना अधिकारी डा. विष्णु गौतमले पुष्टि गरे । मृतकमा कुनै दीर्घ रोग नरहेको डा.गौतमले बताए । प्रदेश स्वास्थ्य निर्देशनालयको तथ्यांक अनुसार रुपन्देहीमा कोरोेना संक्रमितको मृत्यु हुने संख्या ४८ पुगेको छ ।

प्रदेश स्वास्थ्य निर्देशनालयले शनिबार बेलुका ८:३० मा गरेकाे अपडेट :

कल्पना डुम्रे

लेखकबाट थप

• आइतवार, कार्तिक २ २०७७१०:५८:०१

• Tags:

  # कोरोना भाइरस # कोरोना संक्रमण # कोरोना संक्रमितको मृत्यु

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा