बुटवल,चैत्र २१ ।

बुटवलमा सोमबार सम्पन्न १६ औं मनमोहन स्मृति वडा स्तरिय रनिङ शिल्ड नकआउट फुटबल प्रतियोगिता २०७८ को उपाधि वडा नं १७ ले हात पारेको छ। फाईनल खेलमा वडा नं ८ लाई २-० गोल अन्तरले पराजित गर्दै वडा नं १७ ले उपाधि हात पारेको हो ।

 उपाधिसंगै उसले नगद ६० हजार रुपैया, कप, मेडल, प्रमाणपत्र तथा उपविजेता वडा नं ८ नगद ३० हजार रुपैया, कप, मेडल, प्रमाणपत्रमा चित्त बुझायो।

बुटवल उपमहानगरपालिकाको सहयोग तथा राष्ट्रिय युवा संघ नेपाल उपमहानगरपालिकाको आयोजनामा सिद्धेश्वर खेलमैदानमा भएको फाईनलमा जितका लागि वडा नं १७ का आशिष गुरुङले खेलको ८ औं  मिनेटमा गोल गर्दै टिमलाई अग्रता दिलाएका थिए । वडा नं १७ का सुसन थापाले खेलको ६१ औं मिनेटमा गोल गर्दै जित सुनिश्चित गरे । 

प्रतियोगितामा सर्वोकृष्ट खेलाडी वडा नं १७ का आशिष गुरुङ घोषित भए । यसैगरि वडा नं ४ का निरज थापा वेष्ट डिफेन्डर, वडा नं ७ का मोहन थापा हाई स्कोरर, वडा नं १७ शिशिर कार्कि वेष्ट किपर र वडा नं १७ का बुद्घ गुरुङ बेष्ट कोचबाट पुरस्कृत भए । 

एक समारोहका बिच बुटवल उपमहानगरपालिकाका नगरप्रमुख शिवराज सुवेदी, उपप्रमुख गुमादेवि आचार्य, राष्ट्रिय युवा संघ नेपालका केन्द्रीय उपाध्यक्ष सुमन पुरी, स्थाई कमिटि सदस्य केशव रोक्का, नेकपा एमाले प्रदेश सचिवालय सदस्य पुरन गुरुङ, जिल्ला सचिवालय सदस्य ऋषिराम पाण्डे, जिल्ला सदस्य राजेन्द्र ढकाल, नहकुल शाही, मनोज गौचन, कल्पना थापा, सुरज खरेल, नेकपा एमाले नगर अध्यक्ष किशन ज्ञवाली, राष्ट्रिय युवा संघ नेपाल उपमहानगरपालिकाका अध्यक्ष सुदर्शन खाम्चा, उपाध्यक्षले विजेता टिम, उपविजेता टिम तथा उत्कृष्ट खेलाडीहरुलाई पुरस्कार वितरण गरेका छन ।

नागरिक अनलाइन

लेखकबाट थप

• सोमवार, चैत्र २१ २०७८०७:२५:५८

• Tags:

  # फुटबल # मनमोहन स्मृति रनिङ शिल्ड फुटबल

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा