बुटवल,चैत्र १५ ।

मानव अधिकार तथा शान्ति समाजले रुसलाई तत्काल युद्ध रोकेर र शान्ति प्रवद्र्धन गर्न आग्रह गरेको छ ।

युद्धको कुनै पनि संभावनालाई खारेज गर्न र शान्ति प्रवद्र्धन गर्न जोड दिदै लामो समयदेखि अभियान सञ्चालन गर्दै आएको समाजले रुपन्देहीको चौराहामा आधाघण्टा प्रदर्शन गरेको हो । बिहान ११ बजेदेखि साढे ११ बजेसम्म भएको प्रदर्शनमा बोल्दै समाजका केन्द्रिय सभापति गोबिन्द खनालले रुसले युक्रेन अपराध गरिरहेको बताए  ।

उनले बालबालिका र महिलासहित हजारौं निहत्था मानिसको हत्या मानवता बिरुद्धको अपराध चएको बताए । समाजले युद्ध टार्ने कुटनीति र युद्धको कुनै पनि संभावनालाई खारेज गर्नुपर्नेमा जोड दिएरै नेपालमा विशेष अभियान प्रारम्भ गरेको उनले बताए ।

रुस–युक्रेनबिच युद्धको आशंका बढ्दै जँदा संयुक्त राष्ट्रसंघलाई गहन जिम्मेबारी निर्बाह गर्न उनले आगह्र गरे । युद्धमा कुनैपनि पक्षको जित र हार नहुनेभन्दै उनले हरेक समस्यालाइ बार्ता र शान्तिपूर्ण तवरमा समाधान गर्नुपर्ने बताए  ।

जिल्ला सभापति डिपी खनालको अध्यक्षतामा भएको कार्यक्रममा सचिव कपिल ज्ञवाली लगायतले बोल्दै रुसलाई तत्काल सेना फिर्तासहित युद्ध रोक्न र शान्ति प्रवद्र्धन गर्न आग्रह गरे ।

प्रदर्शनमा केन्द्रिय सचिव मिना ढकाल,केन्द्रिय सदस्य बिष्णु भुसाल लगायत ३ दर्जनभन्दा बढि अधिकारकर्मीको सहभागिता रहेको थियोे ।

रुस-युक्रेन युद्ध रोक्न आग्रह गर्दै शान्ति समाज रुपन्देहीले बुटवलमा बाल्यो मैनबत्ती

नागरिक अनलाइन

लेखकबाट थप

• मंगलवार, चैत्र १५ २०७८०१:४१:४७

• Tags:

  # मानव अधिकार तथा शान्ति समाज # मानव अधिकार तथा शान्ति समाज रुपन्देही # रुस-युक्रेन

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...