बुटवल,चैत्र ७ ।

वि.सं.२०७९ सालका लागि नेपाल राष्ट्र बैंकले बैंक बिदा हुने सूची सार्वजनिक गरेको छ ।  विभिन्न ३४ प्रकारका चाडपर्व तथा महोत्सवका कारण मात्रै करिब ४४ दिन बैंकका कर्मचारीलाई बिदा हुने भएको छ ।  यस पटक दसैँको बिदा ७ दिन परेको छ । तीमध्ये केही दिन सम्बन्धित समुदायका कर्मचारीका लागि मात्रै बिदा हुनेछ । 

असोज १० गते घटस्थापनाका दिन बिदा छ भने १६ गते फूलपातीका दिनदेखि २१ गते द्वादशीका दिनसम्म बैंक कर्मचारीलाई बिदा हुने भएको छ । त्यस्तै तिहारमा ५ दिन बिदा दिइएको छ । कात्तिक ७ गतेदेखि ११ गतेसम्म तिहार बिदा छ । ५ वटा बिदा भने सरकारले निर्णय गरेबमोजिम कायम हुने राष्ट्र बैंकले जनाएको छ ।

यीबाहेक प्रत्येक शनिबार बिदा हुनेछ । वैशाख १ देखि कात्तिक १५ सम्म र माघ १५ देखि चैत मसान्तसम्म बिहान १० देखि साँझ ४ बजेसम्म बैंकिङ कारोबार हुनेछ । कात्तिक १६ देखि माघ १५ सम्म भने बिहान १० देखि साँझ ३ बजेसम्म बै‌ंकिङ कारोबार हुने राष्ट्र बैंकको सूचनामा उल्लेख छ । शुक्रबार साढे १२ बजेसम्म बैंकिङ कारोबार हुनेछ ।

नागरिक अनलाइन

लेखकबाट थप

• सोमवार, चैत्र ७ २०७८०५:५९:१५

• Tags:

  # सार्वजनिक बिदा # BANK # बैंक

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा