बुटवल,फागुन ३० । 

भाेलिदेखि बुटवलमा तेस्रो नगर स्तरीय राष्ट्रपति रनिङ शिल्ड छनौट प्रतियोगिता हुँदैछ । बुटवल उपमहानगरपालिका नगर खेलकुद विकास समितिको आयोजनामा भाेलि चैत्र १ देखि ४ गतेसम्म एन्फा टेक्निकल देविनगरमा खेल हुनेछ । 

आज बुटवलमा पत्रकार सम्मेलन गरि प्रतियोगिताको सबै तयारी पूरा भएको समितिका अध्यक्ष नन्दु काउचाले बताए । एथ्लेटिक्सतर्फ १००, २००, ८०० मिटर, १५०० मिटर दौडहरु, ४ बाई १०० मिटर रिले हिट, ३ हजार मिटर दौड समेत गरिने छ । कबड्डी, शटफुट, लंगजम्प, त्रिपल जम्प, ज्वाप्लिङ थ्रो लगायतका खेलहरु खेलाईने छन् । यसैगरि विभिन्न तौल समुहमा कराते, तेक्वान्दो खेलहरु कालिका कराते एकेडेमीमा हुने छन् ।

यसैगरि छात्रछात्रा भलिबल प्रतियोगिता समेत हुने छ । प्रतियोगितामा नगरका १७ सामुदायिक र २० निजि विद्यालयका खेलाडीहरुले ४२ वटा खेलमा भाग लिनेछन् ।  करीब ५ हजार विद्यार्थीहरुसहित खेल प्रशिक्षकहरुको सहभागी हुने प्रतियोगितामा खेल महाकुम्भका रुपमा रहने उनले बताए ।

प्रतियोगिता सम्पन्न गर्न साढे १४ लाख बराबर खर्च अनुमान रहेको उनले बताए । यसैगरि उद्घाटन कार्यक्रम अन्तरगत ६ सय जना विद्यार्थीहरुले स्वागत तथा ५ सय २५ जनाले पिटि प्रदर्शन तथा साढे ३ सय बढिले बहुसास्कृतिक नृत्य प्रदर्शन गर्ने छन । जसमा मारुनी, कौडा, थारु ,झ्याउने, खुकुरी नाच लगायत प्रदर्शन गरिने समितिका सदस्य प्रेम बस्नेतले बताए । 

 गतवर्ष कालिका मानवज्ञानले उपाधि चुमेको थियो भने नवीन उपविजेता भएको थियो । कार्यक्रममा सदस्य मणिरत्न भण्डारीले नगरमा योजनाबद्ध खेल विकासमा आफुहरु लागेको दाबी गरे ।

नागरिक अनलाइन

लेखकबाट थप

• सोमवार, फाल्गुण ३० २०७८०७:४६:५३

• Tags:

  # राष्ट्रपति रनिङ शिल्ड छनाेट प्रतियोगिता # बुटवल उपमहानगरपालिका # नगर खेलकुद विकास समिति

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...