बुटवल,फागुन २२ ।

नेपाली कांग्रेस बुटवलले स्थानीय तहका लागि चुनावी प्रचारप्रसार अभियान थालेको छ ।  बैशाख ३० गतेका लागि सरकारले निर्वाचनको मिति घोषणा गरेपछि कांग्रेस बुटवलले प्रचार प्रसारको लागि वडा-वडामा निर्वाचन प्रचार प्रसार कार्यालयको स्थापना गर्न सुरु गरेको छ ।

बुटवल वडा न ११ देविनगरमा स्थानीय निर्वाचन प्रचार प्रसार कार्यालयको आज नेपाली कांग्रेस रुपन्देही सभापति रामकृष्ण खाँणले उद्घाटन गर्नुभयो । कार्यक्रममा बोल्दै उँहाले स्थानीय तहको निर्वाचनले कांग्रेस बलियाे बनाउने पहिलाे चरण भएको बताउनुभयो ।

कांग्रेसले गरेका काम तथा विकास निर्माणको बारेमा जनतालाई बुझाउन आवश्यकता रहेकोमा खाँणले जोड दिनुभयो । नेपाली कांग्रेस बुटवल उपमहानगरपालिकाका सभापति खेलराज पाण्डेयले कांग्रेसका कार्यकर्ता सधैं जनताको सुख दुखको साथी बन्नु पर्ने बताउनुभयो ।

महामानव वीपी कोईरालाले प्रतिपादन गरेको समाजबादको सिद्धान्त अनुसार साधारण जीवनमा रहेर जनताको घर घरमा पुगेर सुख दुःखमा साथ दिनको लागि उँहाले आग्रह गर्नुभयो ।

पाण्डेयले जनताको नजिकको सरकार स्थानीय तह भएकाले वडा-वडामा नेपाली कांग्रेसको जित भएमा जनताले सजिलो गरी सेवा पाउने दाबी गर्नुभयो ।

२५ जना नेपाली कांग्रेसमा प्रवेश :

नेपाली कांग्रेस बुटवल वडा नं ११ का सभापति जित बहादुर मल्लले विभिन्न पार्टीहरु परित्याग गरी २५ जना नेपाली कांग्रेसमा प्रवेश गरेको जानकारी दिनुभयो । चुनावी प्रचार प्रसार तथा कार्यकर्ता भेटघाटको लागि कार्यालयको स्थापना गरिएको उँहाले बताउनुभयो ।

नागरिक अनलाइन

लेखकबाट थप

• आइतवार, फाल्गुण २२ २०७८०२:२७:३२

• Tags:

  # कांग्रेस बुटवल ११ # स्थानीय निर्वाचन प्रचार प्रसार कार्यालय # नेपाली कांग्रेस

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...