बुटवल,फागुन २० । 

नेपाली काँग्रेस बाँके  सभापतिमा नारायणप्रसाद गौडेल निर्वाचित हुनु भएको छ । संस्थापन इतर  समूहका गौडेल ७६० मतका साथ सभापतिमा विजयी हुनु भएको हो ।

बाँके कांग्रेस सभापतिको दोस्रो चरणको निर्वाचनबाट आफ्ना प्रतिद्वन्दी बादशाह कुर्मीलाई ९७ मत अन्तरले पराजित गर्दै सभापति पदमा गौडेल निर्वाचित हुनुभएको हो । कुर्मीले  ६६३ मत पाउनु भएको छ ।  

आज भएको दोस्रो चरणको मतदानमा कुल १४९३ मतादातामा १४३९ जनाले मतदान गरेका थिए भने १६ मत बदर भएको थियो ।

सभापतिको हिजो भएको पहिलो चरणको मतगणनामा गौडेलले ५६९ मत ल्याएर पहिलो हुनुभएको थियो भने कुर्मीले ५३८ र संस्थापन समूहकै सुरेन्द्र हमालले ३१४ मत प्राप्त गर्नु भएको थियो ।

प्रतिस्पर्धाबाट बाहिरिएका हमालले संस्थापन इतरका गौडेललाई समर्थन गर्दै  मतदातालाई गौडेललाई भोट दिन निर्देशन दिएपछि यस्तो परिणाम आएको छ ।

बाँकेमा संस्थापन पक्षमा झण्डै ६५ प्रतिशत मत भएर पनि आपसी किचलोले संस्थापनले नेतृत्व गुमाएको छ ।

नागरिक अनलाइन

लेखकबाट थप

• शुक्रवार, फाल्गुण २० २०७८०५:४७:४१

• Tags:

  # बाँंके काँग्रेस # नारायणप्रसाद गौडेल

• प्रभु बैंकद्वारा बुटवलमा रक्तदान, ५१ युनिट संकलन

• बुटवलको हिलपार्कमा ‘सप्तऋषि धाम’ उद्घाटन

• पश्चिमाञ्चल पेट्रोलियम डिलर्स एशोसियसनद्वारा प्रधानमन्त्री राहात कोषमा ४० लाख १ रुपैया आर्थिक सहयोग

• कांग्रेस क्षेत्र नम्बर–२ रुपन्देहीद्वारा विपद् व्यवस्थापन कोषमा ५१ हजार योगदान

• पहिले र अहिलेका तीज ...