बुटवल,फागुन १७ ।

ब्रह्माकुमारी ईश्वरीय विश्वविद्यालय एवं राजयोग प्रशिक्षण केन्द्र बुटवलको आयोजनामा ८६ औं परमात्मा अवतरण महाशिवरात्री पर्व मनाईएको छ ।

दुर्ब्यसन तथा कुरीतिबाट मुक्त भएर प्रेरक शक्तिको पर्वको रुपमा शिवरात्री पर्व मनाउनु पर्ने उक्त कार्यक्रममा बोल्ने बक्ताहरुले बताएका छन ।

उच्च अदालत बुटवल ईजलाशका न्यायाधीश अग्नि प्रसाद थपलियाको प्रमुख आतिथ्यतामा कार्यक्रम भएको हो ।

कार्यक्रममा बोल्दै उनले धर्मले मानिसलाई  अनुशासित बनाउने  र समाजमा शान्तिको स्थापना हुनेमा जोड दिए । धार्मिक संघसंस्थाहरुले समाजमा हुने विकृति, विसंगती न्यूनिकरणमा सहयोग पुराएको थपलियाले बताउँदै धार्मिक संघसंस्थाले समाजमा शान्तिको स्थापनामा महत्वपूर्ण भूमिका खेलेको दाबी गरे । विद्यालय , विश्वविद्यालयमा पुर्विय दर्शनका नैतिक शिक्षा दिन सके समाजमा हत्या हिंसा रोक्न सकिने उनको भनाई छ ।  

ब्रम्हाकुमारी नेपालका सह–निर्देशक ब्रम्हाकुमारी कमला दिदीले समाजमा रहेको दुव्र्यसनी तथा भ्रष्टाचारलाई निरुत्साहित गर्दैै उच्च नैतिक समाज निर्माणका लागी  शिवरात्री पर्व मनाउने गरिएको बताईन  । उनले महाशिवरात्रीमा भाङ्ग, धतुरो , वा नशालु पदार्थ शिवजीलाई अर्पण गरेर आफुमा भएको कुलत त्याग्नु नै महाशिवरात्री पर्वको महत्व रहेको दाबी गरिन  ।

शिव भनेको परमात्मा र रात्री भनेको अज्ञानता भएको कमला दिदिले बताउँदै अज्ञान रात्रीमा नै परमात्माको अवतरण भएर हाल अज्ञानताको नाश भैरहेको  र युग छिटै रुपान्तरण हुने बताइन् ।

यस्तै बुटवल उपमहानगरपालिकाका प्रमुख शिवराज सुवेदी, नेकपा एमाले जिल्ला अध्यक्ष तेजेन्द्र केसी , नेपाली कांग्रेस बुटवल उपमहानगरपालिकाका सभापति खेलराज पाण्डेय, ब्रह्मकुमारी बुटवलका सचिब  ब्रह्मकुमार नारायण , ब्रह्मकुमार भरत लगायतले बोल्नु भएको ब्रह्मकुमार ऋषिराम न्यौपानेले जानकारी दिए  ।

यस्तै सोही अवसरमा बुटवलमा निर्माणाधिन अवस्थामा रहेको उत्कृष्ट राजयोग सभागृहमा ध्वजारोहण पनि गरिएको थियो । 

नागरिक अनलाइन

लेखकबाट थप

• मंगलवार, फाल्गुण १७ २०७८०५:०१:३४

• Tags:

  # ब्रह्माकुमारी ईश्वरीय विश्वविद्यालय # महाशिवरात्री

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा