बुटवल,माघ १५ । 

नेपाली कांग्रेस लुम्बिनी प्रदेशका सभापति अमरसिंह पुनले नेपाली कांग्रेस पार्टीमा अहिले आमूल परिवर्तनको खाँचो रहेको बताउनु भएको छ ।

नेपाली कांग्रेस देवदह नगर समिति रुपन्देहीद्वारा आयोजित भेटघाट कार्यक्रममा सभापति पुनले अब विगतको तरिकाले पार्टी चल्ने नसक्ने भएकाले परिवर्तनको खाँचो रहेको बताउनु भएको हो । 

पूर्व राज्यमन्त्री एवम् संविधानसभा सदस्य समेत रहनु भएका पुनले कांग्रेसलाई जनमुखी र समय अनुकूल बनाउन पार्टीका नेता तथा कार्यकर्ताको आचरण पनि परिवर्तन गर्नुपर्ने समय आएको बताउनु भयो ।

उहाँले संविधान अनुसार १४औं महाधिवेशनबाट प्रदेश समितीहरू निर्माण भइ सकेको बताउदै प्रदेश समितिलाई प्रभावकारी र बलियो बनाउनु पर्ने धारणा राख्नु भएको छ । महाधिवेशन ताका भएका सम्पूर्ण तिक्तताको अन्त्य गर्दै एकताका साथ अगाडि बढ्न पनि उहाँले सबैलाई अपिल गर्नु भएको छ ।

भेटघाट कार्यक्रममा नेपाली कांग्रेस लुम्बिनी प्रदेश समितिका सदस्य प्रकाश राना, नेपाली कांग्रेस नेता युवराज गिरी लगायतका नेता तथा शुभेच्छुकहरूको उपस्थित रहेको थियो ।

नागरिक अनलाइन

लेखकबाट थप

• शनिवार, माघ १५ २०७८०२:१४:०६

• Tags:

  # अमरसिंह पुन मगर # अमरसिंह पुन # नेपाली कांग्रेस # Nepali Congress # नेपाली कांग्रेस लुम्बिनी प्रदेश

• रक्तसञ्चार सेवाको ईतिहास झण्डै ४ सय बर्ष पुरानो

• दुई हजार ६८८ मिटर लामो नागढुङ्गा-सिस्नेखोला सुरुङमार्गको उद्घाटन

• ‘द बम्बई लाउञ्ज’को प्रथम वार्षिकोत्सव साउन १४ र १५ गते हुदै,छुटसहित सांगीतिक कार्यक्रम गरिने

• इन्जिनियरहरू पूर्वाधार निर्माणका मात्र होइन, समाज रूपान्तरणका महत्वपूर्ण साझेदार

• आजदेखि कार्तिक शुक्ल एकादशीका दिनसम्म तुलसीको विशेष पूजा